زوادة اليوم : قصّة العنكبوت

[souad jaalouk]

زوّادة اليوم: قصّة العنكبوت
بيخبّر القدّيس اغسطينوس قصّة عنكبوت كان حابب يصير احكم واحد بالحيوانات راح صار يبرم و حمل معو صندوق و كل ما سمع كلمة فيها حكمة يكتبها و يحطها بالصندوق. رجع بعد فترة عا غابتو مفكّر حالو صار حكيم و فهمان. قرّب عالبركة يشرب مَي شاف فيها موز قال خي مش بس بشرب كمان طلعلي موز. نزل شوي عل مَيْ ما لاقى موز يرجع يطلع عالحفّة يشوفن! استغرب قام كب الصندوق عن ضهرو حتّى يشوف منيح لاقى انّو الموز منّو الا انعكاس عالمي لشجرة فوقو. كان في قرد قاعد عالشجرة قلّو: شفت صندوق الحكمة التقيل ما كان عم يخلّيك تشوف فوقك و مخلّيك راسك نزول! فكّر العنكبوت و قلّو: معك حق كلمات الناس تِقِل عالضهر و ما بيخلّوك تصير حكيم لازم الواحد يتّكل عا حالو و من خبرة حياتو يكتسب حكمتو! الحكمة نمط حياة مش كلمات منحفظها و منسمعها! اذا ما كنت عايش مسيحيتك شو نفع تكون مسيحي عالهوية!؟...الله معكن