زوادة اليوم: أعمالنا اللي بتحكي عنّا

[souad jaalouk]

زوّادة اليوم: أعمالنا اللي بتحكي عنّا
بيخبرو عن زلمي كان مستلم موقع سلطة توفّى. ما لحق انتشر الخبر بين الناس حتّى بلّشت ردّات الفعل و صارو الكل يتذكّرو هالزلمي كيف تصرّف تجاهن.
ناس قالت كتّر خيرو خدمنا، ناس قالت ارتحنا ما كان يساعد حدا كل همّو مصالحو الشخصيّة، ناس قالت ما منعرفو شخصيا بس منسمع انّو ما كان منيح، ناس قالت نحنا كنا من رجالو ضيعانو، ناس قالو وجودو متل غيابو ما فاد حدا بشي، غيرن قالو شو بدنا فيه الله بيحاسبو...الزوّادة اليوم بتذكّرنا انّو كلنا رايحين و اعمالنا وحدا اللي بتبقى و بتنذكر ان كانت حلوة او بشعة! تصرّفاتكن مع الناس هيّي البذور اللي عم تزرعوها و رح تحصدوها بعد ما تتركو هالأرض... فكرو فيا...الله معكن