|
 |
 |
 |
|
رقم المشاركة : ( 1 )
16 - 01 - 2019, 07:15 PM
|
|||||||||||
|
|||||||||||
 ربنا بيحب الكل، لكن راحته مع القليل و البسيط و المتواضع .. من الملوك فيه هيرودس، و من الرؤساء فيه الكتبة و الفريسيين ، لكن يتولد في حظيرة ، و يختار قناة يتيمة تبقي امه ، و يعيش في بيت نجار بسيط، و يختار شوية صيادين سمك غير متعلمين يمسكوا الخدمة في العالم.. يختار الانبا رويس(آفا تيجي ) بياع الملح يسمي أرض الكرازة في مصر باسمه و يخلي الناس تبني له كنيسة غلبانة جنب الكاتدرائية اللي فيها العظيم مارمرقس اول البطاركة.. لما يختار اول بطرك للكنيسة يختار مرقس الفتي الصغير ابن اخت برنابا ، اللي ما عرفش يكمل اول رحلة تبشيرية(اعمال ١٣) ، و البطرك التاني يبقي انيانوس الاسكافي(صانع الأحذية) الوثني اول من امن علي يد مارمرقس : بسيط يختار بسيط !! لما يحب ينقل جبل المقطم يختار سمعان الخراز، اسكافي أعور يعمل علي ايده المعجزة ، في الوقت اللي كان ممكن يكلف البابا إبرام بن زرعة (البابا ٦٢) بالموضوع .. حتي لو تلاحظ ربنا يحب يزور الغلابة و يعمل معجزات في البيوت البسيطة، و القديسين تلاقيهم بيتمجدوا أكثر في الكنائس الصغيرة و الأديرة البعيدة اللي بيروحها الفقراء ، اكتر من المباني الشاهقة الغالية المتكلفة ، و القديسين بيتشبهوا بالههم .. حتي لما يلاقي واحد كبير ، ما يشغلش معاه إلا لما يبقي "صغير" ، و لو كبر يسيبه لما يرجع لأصله و يعترف انه ما يعرفش حاجة : موسي الأمير اشتغل معاه لما عجّز و بقي شيخ ضعيف و فقير ، و بولس الفيلسوف ما بقاش رسول إلا لما قال عن نفسه "صغير" . . و داود لما كان أصغر اخواته ربنا وصله للملك ، و لما اتعافي علي ربنا و كسر وصاياه انقسمت المملكة و انهزم في الحرب.. الدرس : لو صغير و متواضع، مبروك عمل الله ، و لو كبير أو متكبر بسرعة اتنازل عن حكمتك و ذكائك علشان "ربنا يعرف" يقرب منك و يباركك و يستخدمك.. صح ؟؟ 
|
|
| قد تكون مهتم بالمواضيع التالية ايضاً |
| الموضوع |
| أيها الناظر إلى المتواضعين بعين عنايتك |
| أعلم يا رب أنك تحب المتواضعين |
| أيها الناظر إلى المتواضعين بعين عنايتك التي لا تغفل |
| الله يُفضّل المتواضعين |
| قريب هو الله من المتواضعين |
العرض الشجري