زوّادة اليوم: قلبي مهيّا مغارة
بيخبرو عن ست ختيارة طلبت من حفيدها تساعدها بشجرة العيد و بالمغارة. خلّصت البنت المغارة و حطّت الأشخاص مطرَحن اجت الختيارة قالتلها لحظة بعد ناقص شغلة. فاتت عالأوضة جابت شرشف ابيض زغير حلو كتير مطرّز بالإيد و مخدّة بيضا و طلبت من حفيدتها تحط الطفل يسوع عليهن. قالتلها البنت: بس يا تيتا يسوع ما كان عندو هيك كان نايم عالقشّ. جاوبت الختيارة: و اذا كان فقير هوي و زغير، انا خيطتلو غطا و مخدة، عندي ما بقبل الا يكون معزّز مكرّم....كلنا متل هالختيارة مدعوين اليوم نكرم الطفل يسوع و نفتحلو قلوبنا متل الترتيلة اللي بتقول قلبي مهيا مغارة ربي عملّي زيارة... والله معكن
13 - 12 - 2018, 03:21 AM
العرض الشجري