|
 |
 |
 |
|
رقم المشاركة : ( 1 )
26 - 11 - 2018, 10:00 PM
|
|||||||||||
|
|||||||||||
 ➕رسالة يهوذا➕ (رسالة من خادم حقيقي إلي خدام عايزين يكونوا حقيقيين) +من هو يهوذا كاتب الرسالة؟؟ -أكيد مش الاسخريوطي... هو يهوذا اخو يعقوب بن حلفا او كلوبا(اول اسقف لأورشليم) اقارب السيد المسيح حسب الجسد.. +إيه موضوع الرسالة الرئيسي؟؟ -في الوقت ده قامت بدعة الغنوسية(تأليه العقل)...او فلسفة المسائل زيادة عن اللزوم فتطلع برة الحق و تبعد عن كلام ربنا(زي لخبطة المغفرة مع الفجور في الخطية) +مهم جداً اختار الكلام اللي ابدأ به رسايلي للأشخاص اللي حولي في الخدمة...البيت...الشغل... و ده اللي يهوذا عمله في بداية الاصحاح...وضح هو مين و ايه وضعه بالضبط(عبد للمسيح) و كمان اهتم انه يوصف المرسل إليهم بكلام لطيف(قديسين و محفوظين) +بولس الرسول كان دايماً بيقول لتكثر لكم "النعمة" و السلام.. .لكن يهوذا الرسول هنا قال حاجة حلوة اوي لتكثر لكم "الرحمة" و السلام و المحبة.... ..هل انا في خدمتي باهتم بالرحمة و السلام و المحبة مع بناتي و اخواتي؟؟ +آيه ٣: توبيخ لنا كلنا في تحضير الدروس و الاستعداد لتوصيل كلمة ربنا لاولادنا.. ..يهوذا كان بيصنع "كل الجهد" عشان يحضر الرسالة بتاعته بالرغم من ظروفه و حياته الزحمة. ...هل انا باعمل كدة؟؟ +إيماننا مش مجرد افكار و خلاص...لكنه إيمان قوي "مُسَلّم" +لازم يكون في جهاد مع نفسنا و مع اولادنا عشان نحافظ علي الإيمان صح من اي لخبطة. .زي اللي حصل وقت يهوذا لما الناس استغلوا مغفرة ربنا و لطفه في الانحدار في الشر... احنا في زمن صعب...مفاهيم كتير بقت مرتبكة و متداخلة...لازم نكون مصحصحين لنفسنا و لبناتنا +آيه٦: الإنحراف و الإنحدار سهل جداً في حياتنا كخدام (قبل ما يكون في حياة المخدومين) لو ماكانتش رجلينا عاملة توازن بين البنزين و الفرامل😃 (ملايكة سقطت) +آيه٩: الملاك ميخائيل-مع انه حكيم و مليان نور- ماكتّرش في الكلام مع الشيطان و لا اتريق او سخر....لكنه قال ما قل و دل "لينتهرك الرب".... .في خدمتنا وقت الافكار و المحاربات مش كتر الكلام دايماً اللي بيجيب نتيجة. +نماذج لناس حسبوها غلط... •اهل سدوم و عمورة:- مشيوا ورا شهواتهم •بلعام:- مشي وراء الفلوس •قورح و داثان و ابيرام:- مشيوا وراء حب المنصب +آية ١٢: احنا المفروض نكون مصدر تعزية و فرح مش صخور و دبش بيتحدف علي اخواتنا +آية ١٣: انا سحابة حلوة في حياة الاشخاص في حياتي و خدمتي و لا غيمة في حياة الناس؟؟ شجرة مثمرة و لها جذور... و لا منظر بس و مش ثابتة مياه عذبة تروي...و لا شوية امواج طالعة و نازلة علي الفاضي... شكلنا منور علي الفاضي و احنا شوية نجوم تايهة بعيد عن شمس البر... +الآيات ١٤-١٩:- خدام فالصو...كلامهم كبير لكن علي الفاضي... بيعرفوا يحركوا المشاعر بوعظهم و ليس الروح نحو الله +نبني نفسنا علي اساس صخرة الإيمان بالروح القدس...(إيمان روحي مش نفسي و عاطفي بس) +آيه ٢١: بنستخبي في محبة و رحمة ربنا +آيه٢٢: الرحمة مهمة جداً في حياتنا و خدمتنا لكن بحكمة و تمييز +آيه٢٣: احياناً بنضطر نخوف الناس من الخطية عشان ننشل اولادنا من الهلاك +آيه٢٥: إلهنا الحكيم هو اللي قادر يحفظنا احنا و أُسَرنا و بناتنا و ولادنا مش مجهودنا الذاتي و حكمتنا الارضية...آمين!!🙏😊 
|
|
العرض الشجري