| |
|
|
|
|
|
||||||
|
|
أدوات الموضوع | انواع عرض الموضوع |
|
#1
14 - 11 - 2018, 11:53 AM
|
||||
|
||||
|
يوسف طفل فى تالته إبتدائى ..
فى يوم وتحديداً يوم 4 فبراير كل ما المدرس يشرحله حاجه بعدها بخمس دقايق بالظبط ينساها .. المدرس اتنرفز جدا منه وقاله انت غبى مافيش منك اى فايده .. شرحتهالك مية مره وبردو مش داخله دماغك ، انت دماغك دى إيه حجر .. الولد بسببه دخل فى حالة إكتئاب شديده ... الام لاحظت على الطفل انه لا بياكل ولا بيلعب ومستواه الدراسى بيقل خالص .. الأم حاولت معاه كتير ولكن مافيش أى فايده ... وفى يوم كانت ماشيه هى وأبنها فى الشارع قابلت زميلتها أخصائيه نفسيه ، اللى حاولت تلعب مع يوسف ولكن ماكنش فى أى رد فعل منه لها ... ساعتها لاحظت إن حالته النفسيه سيئه جداً .. فا طلبت من الأم انها تجيبه تانى يوم العياده ضرورى ... جه تانى يوم اللى كان موافق 1 مارس الساعه تحديداً 6.27 مساءً... أول حاجه قالتها الأخصائيه النفسيه من يوسف ...سألته --بتحب إيه ؟ قاله بطريقه عفويه بحب الرسم قالتله طيب ممكن ترسملى هنا أكتر حاجه متضايق منها ومسببالك إزعاج فى حياتك ومخلياك مش راضى تضحك ولا تلعب ... بعد ربع ساعه الأخصائيه بصت فى ورقة الرسم ليوسف .. لاقته راسم ... شخص وفمه خارج منه حجر له نتوئات أو بروز حاده جدا وعليها نقط حمره لون الدم .. بالرغم من سنه الصغير لكنه بارع جدا فى الرسم .. فالأخصائيه سألته قالتله إيه ده ؟ قالها ده الأستاذ بتاعى ... قالتله وايه الحجر اللى خارج من فمه ده وماله فيه بروز حاده كدا وعليه دم ؟ - لانه دايما بيقول عليا كلام وحش وده بيوجعنى زى مايكون بيضربنى بحجر ويجرحنى به .. - وبيقول عليك ايه الاستاذ ده ؟ بيقول انى غبى ومافيش فايده منى ،ودايما بيقول انى خايب وكل صحابى شاطرين .. - طيب تحب أذاكرلك انا 😍؟ - هاتعرفى ولا هاتقولى عليا غبى زيه ؟ - ماتخافش انت مش غبى انت اشطر انسان فى الدنيا وجميل ... وساعتها إبتسامه مفجأه ظهرت على وش الطفل نورته كإن النور مازارهوش من سنين ، وصوت تنهيده كأنه خلص من جبل كانت كاتم على قلبه ... بالفعل طلبت الأخصائيه من مامة يوسف انها تذاكرله.. بعد أسبوع من المذاكره عملتله إمتحان والمفجأه الكبيره هى ان يوسف اخد الدرجه النهائيه بعد ما كان دايما بيسقط ... ولما سألت مامة يوسف الأخصائيه عن سر تحوله ده ؟ قالتلها العيب مش فى إبنك ، العيب فى المدرس ، هو اللى مش عارف يوصل المعلومه بطريقه جيده ليوسف .. الطفل لسه مفتح عيونه على الدنيا ، ماقدرش احدد ان كان غبى او لا .. لكن بواقع خبرتى أحب اقولك ان المدرس هو اللى غبى ، لأنه سقط فى إمتحان تدريسه للطفل ... نجاح أولادك فى حياتهم هايعتمد على نجاحك فى تربيتهم ... ماتعيبش فى أولادك لان فعلا العيب مش فيهم ، العيب فيك انت 
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| قصور الغدة الدرقية نقص نشاط الغدة الدرقية | الوردة الذهبية | منتدى الطب | 3 | 19 - 03 - 2024 02:17 PM |
| العجب كل العجب انك انت القائم المذبوح | walaa farouk | أقوال الأباء وكلمة منفعة | 2 | 24 - 04 - 2017 09:14 PM |
| ما هي اعراض مرض الغدة الدرقية وسبب تضخم الغدة الدرقية ؟ | Mary Naeem | منتدى الطب | 2 | 23 - 10 - 2016 10:41 AM |
| علاج الغدة الدرقية بالاعشاب الطبيعية | الغدة الدرقية | MenA M.G | قسم العلاج الطبيعى | 1 | 24 - 09 - 2016 08:51 PM |
| قضاة مصر بعد سب ابن مرسي لهم: إن جه العيب من أهل العيب | Mary Naeem | قسم الأخبار العالمية والمحلية | 0 | 25 - 06 - 2013 06:48 PM |
العرض الشجري