قبل ما تحكم علي حد

[walaa farouk]

١-يمكن تكون فاهم اللي قاله أو عمله غلط ..

٢-يمكن يكون حد ناقل لك كلامه غلط..

٣-لو سبت له فرصة يشرح كلامه ح تفهم وجهة نظره بس انت سمعت عنه مش منه ..

٤-يمكن انت ما بتحبوش، و الدليل أن ممكن تفوت نفس اللي بيحصل لحد بتحبه

.. قلبك محتاج نعمة يحبه ..

٥-احتمال بسبب أنه بينافسك أو واخد شوية شهرة أنك تكون مستني له اي تصرف تشمت فيه ..

٦-ممكن تكون بتحسده و تتمني زوال كل اللي عنده و بتخبي كل ده تحت كلامك الوحش عنه..

٧-هل لما تدينه أو تتكلم عنه ح تصلحه و لا ح تتعبه اكتر و تعثر الناس اللي بتسمع كلامك عنه ؟؟

٨-ممكن يكون غلط لكن بكرة ربنا ح يصلحه لو صليت له و سترت عليه..

٩-ممكن انت نفسك تعمل اكتر من اللي هو بيعمله
و تبقي ساعتها محتاج حد يفهم تصرفاتك صح و يستر عليك .. صح ؟

١٠-تقف ازاي تصلي و بأي عين تقول لربنا "نشكرك لأنك سترتنا "
، و انت ماسترتش علي حد ؟؟ و تقف ازاي امامه في يوم الدينونة مستني الرحمة
و انت ما رحمتش حد ؟؟

ما تحكمش يا صديقي علي حد ؛ و لا تتكلم علي حد الا بكل خير .
. هو مسؤولية ربنا ، ربنا يساعده يتوب و يساعدك تحب .