شجعوا صغار النفوس

[walaa farouk]

لما تيجوا تعملوا كورال ولا مسرح ولا اي حاجه جوه الكنيسه
، اللي هو مقصود بيها شيء خدمي ، اختاروا العيال المرفوضه من اصحابها

، اللي واخدين جمب ، اللي محدش بيكلمهم ولا بيصاحبهم ،
اللي عندهم مشاكل في الثقه والتواصل والكلام ،
مش مهم العرض يطلع حلو ولا وحش قد ما مهم ان الناس دي نحس بيهم ونخدمهم
و صديقني بيتغيروا وبترجع لهم ثقتهم اللي فقدت بسبب مجتمع اناني ،
للاسف كلنا بنختار الشاطر وانا اولكم والنتيجة انهم بياخدوا ثقه علي ثقتهم

بتوصل لكبرياء واستهتار ، وفِي الاخر لا هتفديهم ولا هتقدم ليهم حاجه
اختار اللي محتاجلك تساعده عشان يتغير واللي محتاج حد يهتم بيه

اختار المهمش وبأيدك تخليه نجم منور ، ساعتها بس هتحس انك بتخدم بجد .
شجعوا صغار النفوس 🚶🏻‍♀️