من ضمن المتكلمين في الملتقى، دكتور مينا ميشيل.. مدرس مساعد كفيف في كلية هندسة المنصورة، حصل على الدكتوراه في الهندسه المعمارية من ألمانيا وهو كفيف قانونياً!
شاب مليان طموح وأمل، والابتسامة لم تفارق وجهه وهو بيتكلم.. في آخر الكلمة، قام قداسة البابا، بعد ما حضر المحاضرة كلها بإنصات كامل في كرسي في الصفوف الاخيرة وسط الشباب، وراح يسلم على دكتور مينا ويشكره ويديله هدية تذكارية. بعد ما سلّم عليه وشكره واتصوروا مع بعض، راح البابا قال له " طول عمري بأسمع عنك كتير، وكان فعلاً نفسي اقابلك واشوفك عَلى الطبيعه، وأتصوّر معاك.. وانا النهارده أمنيتي اتحققت" !!
أب فخور بأولاده، وشايفهم كبار في عينيه!
