|
 |
 |
 |
|
رقم المشاركة : ( 1 )
20 - 08 - 2018, 08:10 AM
|
|||||||||||
|
|||||||||||
 عن الأشخاص ال Over-Givers.... من شغلى فى الcoaching عرفت مصطلح ال over-Giver.. ده الشخص اللى على طول عنده راحه الناس و يخليهم كويسين و بيدى مشاعر و طاقه و يسمع الناس من غير مقابل و ميقدرش انه يطلع اللى جواه لغايه ما يقع..! ايوه لغايه ما يقع.. الover-giver ده الشخص اللى بيقعد يساعد الناس عشان بيحس بقيمته لما يعمل كده و يعافر معاهم عشان يبقوا احسن و يعدوا الازمه اللى هما فيها... بيبقى على طول الطرف اللى بيساعد بس مابيحتاجش مساعده حتى من اقرب الناس ليه.. بيحس انه محرج ان حد يساعده.. بيحط احتياجات الناس دايما الأولوية عن احتياجاته مع انه فى أشد حاجه لاحتياجاته و حد يهتم بيه و يسمعه. خلى بالك لو انت شخص over-giver انت بضيع الطاقه بتاعتك فى مساعدتك المستمره للناس و ده بيفضى الطاقه بتاعتك فكتر الكلام ده من غير متشحن و تاخد مشاعر و مساعده و اهتمام من اللى حواليك ممكن يأثر على صحتك و حياتك .. هتبتدى تحس انك غلطان و تعتذر لو فى فتره مش قادر تساعد فيها حد الانك ببساطه محتاج الناس تساعدك و تحس بيك فى الفتره ديه بس مش عارف او متعودش تطلب لأنك متعود تساعد بس..! ساعات متبقاش عارف ازاى تاخد حنان و مشاعر و تكلم عن احتياجاتك و مشاعرك مع اللى حواليك... و هتبداء واحده واحده تحس انك مش من حقك تطلب و انك بس تسمع الاحتياجات و المشاعر بتاعت الناس و تساعدهم بس انت/انتى لأ... ساعات كتر الover-giving بيخلى الشخص حاسس انه لواحده ونادرا جدا مابياخد باله من نفسه و مشاعره... بيحس انه لو بطل يدى و يساعد بالكتر ده الطرف التانى هيزعل و انه كده مقصر فى حقه... لو انت فى اى علاقه و كنت بتدى مشاعر و بتساعد بس من غير ما تكلم عن احتياجاتك و مشاعرك.. اعرفى ان كده انتى over-giver فى العلاقه دى... وساعات ممكن ال over-giving ده بتبقى عاده عندك فممكن تحاولى تساعد شخص و تعافرى معاه و هو مش عايز اصلا و لا عنده النيه يساعد نفسه فكأنك بتحربى فى سراب... انك تكون Giver دى حاجه حلوه و مساعده الناس من الحاجات اللى ليها منزله عند ربنا كبيره جدا.. بس خلى بالك ان فى فرق بين انى اساعد الناس و انى احرق و استنفز مشاعرى و حياتى و صحتى.. لازم تتعلم امتى تقول لأ... فكر انك لازم تكلم عن مشاعرك، احتياجاتك، لازم تطلع اللى جواك و اطلب و أدى للناس فرصه يساعدوك زى مانت بتساعدهم.. انت انسان زيهم من حقك تحزن و يكون عندك أولويات و مشاعر و احتياجات زيهم.. اتعلم تتكلم عنها متخبيهاش... و اخيرا لو حواليك حد Giver طبطب عليه.. ايوه طبطب عليها و قدرها و ادوهم من وقتكم و اسمعوهم و متبخلوش عليهم لأنهم ساعات بيحبطوا و بيبقوا عايزين حد giver معاهم بس مش بيعرفوا يطلبوا ده..! 
|
|
| قد تكون مهتم بالمواضيع التالية ايضاً |
| الموضوع |
| بعض الأشخاص |
| the happiest people are the givers |
| The Happiest people are the givers not the takers |
| خليك "givers " |
| ناس شغلتهم في الحياه انهم Givers |
العرض الشجري