|
 |
 |
 |
|
رقم المشاركة : ( 1 )
24 - 06 - 2018, 04:04 AM
|
|||||||||||
|
|||||||||||
 علي نغمات الجمله المدهشه .. ((انا مش جعان .. انا مش جعان!)) بصوت الاستاذ العظيم احمد حلمي في فيلم اكس لارج .. 😄 جاتلي الفكره دي وانا بتامل في الايه ((لانك تنسي المشقه كمياه عبرت تذكرها)) عمري ما عرفت اتخيل الايه دي بدماغي .. الل هو ازاي يعني انت في وقت صعب او مؤلم . . و بعد وقت لما تفتكر نفس الحاجات الل كانت مبتنيمكش الليل و كانت مخلياك مش علي بعضك كده ... تقوم هوب فجاه يبقي لسان حالك .. انا فاكر ايوه الوقت ده بس التفاصيل الصعبه الل كدرتني قوي قوي وكنت فاكر تاثيرها مش هيروح عدت و مش دايق نفس طعم الالم المُر ده الل كنت عايشه وقتها .... اكونش بجد !... نسيت المشقه دي و اديني بفتكرها كمياه عبرت اهو !! يالا نرجع للفيلم .. لما احمد حلمي قعد في اوضه محبوس و قعد يلف حوالين نفسه من كتر الجوع ..خلاص هيموت وبياكل ف نفسه مش قادر ... كل امنيته ان بس الباب يتفتح و هو يخرج و ياكل و في مشهد عبقري .. لقيناه خلاص لازم هيتصرف .. ورق كتير و قعد يعمل الل هو شاطر فيه .. قعد يرسم يرسم .. و يرسم و هوب فجاه الوقت مر ! و اكتشف ساعتها انه مش جعان ،، و مماتش .. و محصلهوش اي حاجه بل بالعكس خرج من الحبسه دي ..بكوم رسومات تجنن و كمان قرص علي نفسه شويه في الجوع و بدا مشوار الخسسان! ... من وسط حبسه الاوضه الل بنمر بيها (الظروف الصعبه،، او اي حاجه صعبه قوي بالنسبالك حاليا في حياتك) كلنا بنبقي عايزين نفلفص ونخرج ... و كلنا بنبقي حاسين ان خلاص تكه و هنموت مش قادرين .. و ان كان ده شعور حقيقي الحقيقه ان حبسه الاوضه صعبه جدا بس بتكبرك بمعني الكلمه و ده لو قررت تستفيد منها ومتهربش حبسه الاوضه بتخليك تتشقلب بكل ما فيك بس ايدين ربنا بتبقي محاوطاك وهي بتحفر فيك حاجات غاليه جدا، وتظبط و تزين وتجمل ... بكل دقه و رعايه الهيه تفوق خيالي وخيالك حبسه الاوضه بتحصل لكل الناس .. بس الشاطر الل يعرف يستغلها حبسه الاوضه وقتها مش معروف و لا محدد لكل حد ... بس الاكيد ان ليها نهايه و مش طول العمر و هيجي يوم و الباب هيتفتح .. بس المره دي انت هتطلع بنفسك و انت متفاجئ و تقول باعلي صوت ((انا ممتش ده انا كبرت .. و اتعلمت! )) وفي الوقت ده .. جواك هتسمع و تدرك و تشوف بعينك الل مبنعرفش نفهمه بدماغنا وقت الرحرحه : " انك نسيت المشقه و كمياه عبرت الان تذكرها " 
|
|
| قد تكون مهتم بالمواضيع التالية ايضاً |
| الموضوع |
| الباب اللي إتقفل أمامك ها يتفتح |
| الراعي الِصّالح والباب |
| ماكنتش تتخيل أنه يتفتح |
| انه هو الطريق والباب |
| ها يتفتح ومش ها يتسد .. |
العرض الشجري