ديوان الديوان مع روائع الشاعرة souad jaalouk

[souad jaalouk]

حكاني ..... يمّا بكّاني

مش همّ ...

الهيئة ما عدْت أنا سئلاني

الزّهر ع إمّو دبلان وتاكي

والمسكبة يبست من المي نشفاني

وعصفور صغيّر محتار بغناني

يرفرف بجوانحو شبه يئسان

وين راحت مرجة الشِّعر والقوافي

ردّ الصّدى بصوت مغيّر وتقلان

بصحرة الايّام ما عاد للواحة

مكان ...

تفرفطت وراق الزّهر وعربش البلّان

وتركت وراها عمر ملبّك وبردان

ع السّكت يوشوش هاك الحفافي

{ من خربشاتي }
{غربال الشِّعر والغناني }