الله سامع وفاهم وهيستجيب

[walaa farouk]

وتلاقي ربنا استجاب صلوات قديمة أنت حتى نسيتها من كتر ما عدى الوقت..

صلوات من سنين مكُنتش تتخيل ساعتها انها ممكن تتحقق..

صلوات مش مترتبة، مليانة بس وجع واحباط ولخبطة..

صلوات كانت معظمها بكاء مش كلام.. يمكن كانت بالنسبالك فضفضة اكتر منها صلاة..

بس لما ييجي وقتها -اللي في مشيئته- وتتحقق..

هاتكتشف أنه حتى "الفضفضة" دي الله كان سامعها ومركز فيها وواخدها بجد..

هاتكتشف أن الله كان مقدّر صلوات احباطك ولخبطة لسانك ووجعك اللي ماتترجمش حتى في كلمات

.. حتى البُكاء الهستيري قدامه اللي من غير سبب واللي مكُنتش أنت شخصياً فاهمُه..

هو كان عارف يترجمُه لصلاة هو بس اللي يفهمها..

فيا صديقي المُحبط .. اللي عينيه اتكسرت من تُقل الواقع..

أرجوك تشدّد وماتوقفش صلاة..

تشدّد .. لأن الله سامع.. وفاهم.. وهايستجيب..