لكل ست مش راضيه عن حياتها💔
تعالى هنا الكلمتين دول ليكى انتى
==========================================
شوفي بقي
مش معنى ان صاحبتك بتشكر في جوزها وبتقول فيه شعر يبقي هو ملاك من السماء
ومش معنى ان جارتك مش بتشتكى من ولادها ولا من تعبهم ليها يبقوا ملايكه وزى النسمه ومؤدبين
ومش معنى ان اختك بتتكلم كويس عن اهل جوزها يبقى دى الحقيقه🙈
الحقيقه ان كل بيت فيه من المشاكل والخلافات بس بأشكال مختلفه
بس مفيش بيت خالي من المشاكل
او انسان خالى من الهم او الحزن
الحقيقه كمان ان اغلب تجمعات الستات بتتكلم عن المثاليه المطلقة
تلاقي واحده تقولك انا جوزى طيار وولادى متفوقين وسعيدة جداا في حياتشي😂
مع انها لسه متخانقه مع جوزها على مصروف البيت
ومع ولادها على مجموعهم الزفت في الامتحانات
يعنى كله وهم ليس إلا 😢
ليه ..!!
عشان في ناس كده بتحب تظهر بأحسن ما عندها حتى لو بالكذب عشان تغيظ صاحباتها وجيرانها
لو عجبك اولاد غيرك افتكرى انك شايفه ظاهرهم بس
يعنى مشفتيش حياتهم ولا بيتعاملو معامهم ازاى
لو عجبك جوز اختك او جوز صحبتك عشان رقيق افتكرى انك شايفه الظاهر بس
ومتعرفيش بيعاملها ازاى ولا طبعه ايه
افتكرى ان المظاهر الخارجيه دى بتكون 20 او30% من الحقيقه
الحقيقه بتبان مع العيشه مع الحياه مش من مقابله ولا اتنين
ولا حكايات وهميه بتحكيهالك صحبتك عشان تبان انها قويه وشاطرة وسيطرة😒
ارضي بحياتك وادعى لنفسك ان ربنا يملاكى بالرضا والسلام النفسي
وصدقيني مفيش اغلى من السلام النفسي والرضا
متدمريش حياتك بإيدك
