|
 |
 |
 |
|
رقم المشاركة : ( 1 )
28 - 05 - 2018, 10:21 PM
|
|||||||||||
|
|||||||||||
 • إيه اللي يجرح مشاعرك لما تشوف فرخة وانت صايم ؟! هل لأنها من غير ريش مثلًا ؟! - برامج الطبخ ماليه القنوات قبل الفطار - الصيام هو امتناع " إرادي " عن الطعام والشراب " والشر " مش حرمان - الأكل والشرب قدامي بس أنا اللي قررت آكل مع المدفع لكن لو أنا ماباكلش ولا باشرب لأني مش لاقي أكل وشرب فأنا محروم مش صايم في فرق بين إنك تسيب الشيء زهدًا فيه وإنك ماتبقاش طايله لكنك هتموت عليه وساعتها لو انت مش سوي هتحسد الناس اللي عندهم الشيء اللي انت محروم منه ومش بعيد تعتدي عليهم قولًا وفعلًا لأنهم بيمتلكوا الشيء اللي انت محروم منه وكحيلة نفسية هتبصلهم بتعالي وازدراء • لكن لو بيمتلكوا شئ انت زهدت فيه هتبقى طبيعي وهتتصرف بشكل طبيعي • الراهب الزاهد في الجواز مابينفسنش من المتجوزين وبيروح يشارك في صلاة الإكليل لاتنين هيتجوزوا " وهو مبسوط " المسيحيين عندهم 3/4 السنة صيام " ومش بس صيام عن الأكل والشرب لعدد من الساعات بيبدأ من الساعة ١٢ منتصف الليل لحد ١٢ ظهر اليوم التالي أو للساعة ١ظ أو للساعة ٣ م أو للساعة ٥ م " لكن كمان وقت الفطار بيبقى الأكل خالي من الدسم الحيواني " متوقع إنك متفاجئ بس هي دي الحقيقة لكن المسيحيين ولاد الذين مابيقولوش وبيعملوا كده في الخفاء وماليش دعوة بمرقس صاحبك اللي مابيصومش، أنا كمان أحمد صاحبي مابيصومش - بنتكلم بشكل عام " لكن رغم كده ماشفتش حد مسيحي صايم اتجرَّأ وقال لحد مش صايم لو سمحت ماتاكلش قدامي انت كده بتجرح مشاعري ! • محدش ضربني على إيدي عشان أصوم • اللي بيكافيء العبيد واللي بيجازيهم هو مولاهم أما لو العباد قرروا يتحولوا لآلهة والكويسين منهم " الصايمين " يعاقبوا الوحشين " اللي مش صايمين " فهتبقى إيه لازمة الآخرة سيبوهم يفطروا وسيبوا ربنا يحاسبهم لو هو عايز يحاسبهم عشان كلوا أو شربوا • الصيام في حد ذاته مش هدف أستاذ ابراهيم عيسى بيقول إنه مالقاش فايدة من صيام رمضان غير إنه قرار سيادي من ربنا وفي الحقيقة أنا مش متفق معاه فللصيام بصفة عامة فوايد كتير من ضمنها " تهذيب الجسد والنفس " فالجسد اللي " شايف قدامه " أكل وشرب وممتنع عنهم هيبقى سهل عليه يشوف قدامه شر ومايرتكبهوش العين اللي شايفه قدامها ما لذ وطاب وقررت بمنتهى الحرية إنها تمتنع عنه هيبقى سهل عليها تمتنع عن إنها تشوف مناظر خليعة أو تحسد وتشتهي ماليس لها اللسان اللي بيمتنع بإرادته عن تذوق أكله بيحبها وبإرادته بيقرر يتذوق مرارة العطش هيبقى سهل عليه يمتنع عن الكذب والنميمة والشتيمة وصنع المؤامرات • وأعتقد إن النقطة دي تخلي كل الصايمين يرحبوا بوجود الفاطرين لأن ده اختبار لقوة إرادتهم وعزيمتهم وحريتهم في اختيار إنهم يصوموا وعشان يأكدوا لنفسهم إنهم نجحوا في اختبار الزهد وأخيرًا السيد المسيح قال : لَيْسَ شَيْءٌ مِنْ خَارِجِ الإِنْسَانِ إِذَا دَخَلَ فِيهِ يَقْدِرُ أَنْ يُنَجِّسَهُ، لكِنَّ الأَشْيَاءَ الَّتِي تَخْرُجُ مِنْهُ هِيَ الَّتِي تُنَجِّسُ الإِنْسَانَ. لأَنَّهُ مِنَ الدَّاخِلِ، مِنْ قُلُوبِ النَّاسِ، تَخْرُجُ الأَفْكَارُ الشِّرِّيرَةُ: زِنىً، فِسْقٌ، قَتْلٌ، سِرْقَةٌ، طَمَعٌ، خُبْثٌ، مَكْرٌ، عَهَارَةٌ، عَيْنٌ شِرِّيرَةٌ، تَجْدِيفٌ، كِبْرِيَاءُ، جَهْلٌ. جَمِيعُ هذِهِ الشُّرُورِ تَخْرُجُ مِنَ الدَّاخِلِ وَتُنَجِّسُ الإِنْسَانَ». • ربنا مع كل الحبايب اللي صايمين رغم ارتفاع درجة الحرارة 
|
|
العرض الشجري