|
 |
 |
 |
|
رقم المشاركة : ( 1 )
22 - 05 - 2018, 12:27 AM
|
|||||||||||
|
|||||||||||
 باستغرب اوى الستات اللي مبتنزلش ترفه عن نفسها و حابسة نفسها عشان الولاد.. لو بطلتي كسل و غديتيهم كويس و لبستيهم اللي هم عايزينه و دخلتيهم الحمام خلاص.. ضمنتي فسحة حلوة لنفسك.. حتى لو اضطريتي تستحملي شوية زن و غلاسة في الطريق.. شغليلهم اغاني.. اديهم مستيكة.. حايليهم شوية لحد ما توصلي بس تخرجي تتفسحي و تغيري جو.. اول ما توصلي مكانك المهم دوري علي اقرب حمام و اتحايلي عليهم يدخلوا.. حيفرهدوكي شوية بس عشان خلاااص تشتري دماغك بقى و تتفسحي براحتك.. اول ما حيشموا ريحة بطاطس او شكولاتة في المكان حيشبطوا.. اشتري راحتك و ادخلي اول محل يقابلك هاتيلهم اللي هم عايزينه.. هم مش جعانين متقلقيش كده كده حترموا نص اللي جايبينه.. بس عشان تبقي عملت لهم اللي هم عايزينه و يسيبوكي تبسطي نفسك شوية بقى... تاني زنة اقفي على جنب.. طلعي مكياجك و لخبطيلهم وشهم.. شبيكة بالكحل و بالروج الاحمر الولد بقى سبايدر مان و البنات بدريهم و ارسميلهم فيونكة بقت كيتي... حيروقوا و يمشوا مبسوطين و انت تروقي بقى... خمس سبع دقايق حيجوعوا.. طلعي موز .. زبادي.. سندويتشات.. ربع فرخة.. اللي في شنطتك.. ما هم جاعوا بقى و سابوا الاكل عشان يسيبوكي تتفسحي.. اكليهم و شربيهم ما هم في رقبتك برضه.. مهمين زي ترفيهك بالظبط.. عند ابعد نقطة عن الحمامات حيعملولك رقصة الفلامينجو.. احفظي مكان الحمام الاولاني عشان ترجعيله بسرعة.. بااس كده.. تقدري تتفسحي.. بس لو حتبصي في المحلات يا ريت ولادك في ايدك و عنيكي عليهم و متبصيش على حاجة خالص اصل ده مال ناس برضه حرام يتلغوص.. لو حتروحي نادي او جنينة خليكي عند المراجيح غير كده حيطلعوا عليكي الناموس اللي قرصهم قرصة قرصة.. لو حتروحي مول خلليكي في الماجيك بلانيت.. دوشة صحيح بس اهو تسلي نفسك و تلمي التيكتس بدل ما يلموا الامن عليكي و يقولوا عليكي خطفاهم.. اهم حاجة... موبايلك مشحون.. مش عشان الطوارئ.. لليوتيوب شنطتك فاضية عشان تحطي فيها نص لعب البيت اللي حينزلوا بيها.. معاكي بانادول و دوا ضغط... ما تنسيش تاخدي سلفي مع بوز العيال و انتو مروحين 😁 رحلة سعيدة! جنة_الأطفال_منازلهم_قلنا_كده_والله_قلنا_كده عايزة_اتفسح_انتي_مش_خرجتي_مع_العيال_امبارح😨 بتحسبوا_المرمطة_عليا_فسحة 
|
|
| قد تكون مهتم بالمواضيع التالية ايضاً |
| الموضوع |
| الفرخة عاوزة قمحة وانا عاوزة اتجوز |
| عايزة اتفسح |
| عاوزة |
| عاوز اتفسح |
| قلت للنكدانا رايح اتفسح |
العرض الشجري