عنده لكل شئ نظام

[walaa farouk]

انك تحافظ علي كرامتك ده مايقللش من كلام الكتاب انك تحتمل

..للاسف في بعض الاوقات كل واحد ياخد ايه ويقولها في الموقف اللي علي مزاجه..

بمعني ايه.. مثلا لو انت مضايق من حد يقولك (اغفروا يغفر لكم) .

لكن لو هو مضايق يقولك (علي قدر استطاعتكم سالموا جميع الناس)

.لو انت حد بيهين في كرامتك وانت رفضت فيقولك (صرنا كأقذار العالم ووسخ كل شئ) .

.لو هو كرامته اللي اتهانت يقول (ان كنت اب اين كرامتي).
ولو خادم ناس ضايقوه وبيفضفض يقوله (احنا تحت رجلين الناس لازم تستحمل)

ولو هو الناس ضايقوه يقول (اخرجوا خارج المدينه ونفضوا الغبار وسلامكم يرجع ليكم)..

.. للاسف الناس تختار الايات اللي هما عاوزنها حسب حالتهم هما يدوسوا علي كرامتك ويقولك انت ابن ربنا استحمل وهما محدش يقدر يدوسلهم علي ترف..مايغفروش هما الاساءه ويطالبوك بالغفران للي بيهنوك.

.. كل واحد شاطر اوي في الوعظ للناس ولنفسه يختار ايات ويقولك اصل موضوعي مختلف.. لكن الحقيقه. انك تحافظ علي كرامتك مش عيب.. انك تغفر للكل بس تتعامل مع اللي بيقدرك ومايعثركش مش عيب.. انك في الخدمه ترفض اسلوب من شخص يعدي حدوده مش عيب.. المهم ان قلبك يفضل فعلا خادم للكل .يعني اللي يهين كرمتك ارفض الاهانه بس اخدمه.. اغفر من قلبك لكن التعامل يكون مع الناس اللي بتعثرك في اضيق الحدود.. ارفص اي اسلوب في تعدي للحدود في الخدمه لكن اخدمهم ماتهملهمش... اللي يقولك المسيح اتهان قوله اتهان علشان محدش يهني.. داس علي كرامته علشان يحافظ علي كرامتي.. ولو انا في يوم هاسمح بده علشان يبقي اكليل لمجد المسيح في حياتي.. لكن في امور كتير الناس بتوعظنا بالمثاليه لكن الحقيقة الله عاوز حاجه تانيه.. ربنا بيعرف يفرق جدا في كل امر في حياتنا عنده لكل شئ نظام