|
 |
 |
 |
|
رقم المشاركة : ( 1 )
21 - 04 - 2018, 07:33 AM
|
|||||||||||
|
|||||||||||
 انا عايز اخطب بس ليا مواصفات محددة.. عايزها جميلة جدا و شعرها طويل و رفيعة و طويلة.. وعايزها كلية قمة طب او هندسة او صيدليه.. عايزها ذوقها راقي و شيك و بتعرف تلبس و تفكيرها مختلف و عندها طموح.. وأول مابيلاقيها بيبقي طاير بيها.. وعايز يوريها لكل قرايبه و فخور ان دي خطيبته.. بيعرف الناس كلها هي بتشتغل فين و درست ايه و بتحضر دراسات ايه و اهلها مستواهم ازاي.. وبعد خمس سنين جواز بنلاقي الوضع اختلف تماما.. نقد مستمر.. بيقلل منها في كل حاجة.. مش طايق اهلها.. بيشتكي منها .. عايزها تسيب شغلها..وتغير طريقة لبسها.. وشايف كل دورها الاكل و البيت و التنضيف و الولاد.. اي دراسة هتدرسها مالهاش لازمة اي كورس تضييع وقت.. بالعافية لو سابها تشتغل هيرجع يحاسبها علي كل حاجة قصرت فيها في شغل البيت.. وبعد عشر سنين لما بيقتنع ان الحياة بينهم بقت مستحيلة .. بيروح تاني يدور علي الحلوة المهتمة بنفسها و رشيقة و شيك و ناجحة في شغلها وليها career و اهداف و طموح.. الكلام ده معناه ان معايير الاختيار في الارتباط في الخطوبة و الاعجاب مختلفة تماما عن معايير اختيار الزوجة.. اي راجل بغريزته بيختار الحلوة الناجحة اللي عندها طموع و شخصية و شيك و مختلفة.. بس لما بيقترن اسمه بيها بيبقي عايزها تتقمص دور امه.. عايزها المضحية الغلبانة الحنينة اللي ماورهاش غير البيت و الولاد و الاكل والشرب و بس.. من اول يوم جواز بيكرس كل مجهوده عشان يغيرها للصورة الذهنية للام اللي متخزنة جوة دماغه.. واول ما بيوصل للنتيجة اللي عايزها بيروح يدور علي اللي تفهمه و يبقي فخور بيها قدام الناس.. مهم جدا ان كل أنثي يبقي عندها وعي بمواطن جمالها و تعرف ايه اللي جذب شريكها ليها و تحافظ عليه و ماتغيروش حتي لو تحت ضغط.. اللي كان بيمدحه فيكي وقت الخطوبة هو ده اللي شده ليكي فحافظي عليه.. وماتسمحيش ابدا لحد يمحي شخصيتك و يشكلها علي مزاجه.. اعرفي انتي ايه و مين و عايزة ايه وحافظي علي كينونتك جدا.. عشان كدة مهم جدا قبل ماتاخدي قرار الجواز تكوني محددة أهدافك وتسألي نفسك الشخص ده هيساعدني اوصل لأهدافي دي ولا هيكعبلني في السكة و يجرجرني علي سكة تانية مش بتاعتي و مكانش طموحي في يوم من الايام اني امشي فيها؟ 
|
|
العرض الشجري