زوادة اليوم
أهم زوادة معقول نقراها
ما فيك تضل تعيّد نفس الخطية انت
ومطمّن بالك
وطمعان برحمة الله.ما فيك تعمل اللي بدك ياه
وتقول بينك
وبين حالك معليش بكرا بعترف وبصلّي شوي بعتذر منو بيمشي الحال.
هودي الطرق اللي بتستعملن مع الناس ما بيمشو مع الله!ما فيك تستعمل الذكا اللي عطاك ياه حتى تتعامل معو الو!
مزبوط انو الله بَي والله حنون
والله بيرحمنا
وبيغفرلنا وبيسامحنا لآخر الحدود،وتعلّق عالصليب كرمالنا،بس كمان ما بيفرض وجودو
عحدا.إنت بدك تطلب منو يكون موجود بحياتك! اذا إنت نقّيت تمشي عطريق بعيدة عنو ما تتوقع تتلاقى فيه!
ما تخلطوا ابدا بين الرحمة
والعدالة!
بيقلنا الانجيل انو الله حنون رحوم ومحب للبشر بس كمان ديّان عادل.
ما تعيش الخطيّة وتستغل رحمة الله أحسن ما تفاجئك عدالتو...
و الله معكن
