نشطاء مصر يوجهون 60 نصيحة لـ"ثوار سوريا": "قولوا لا للاستفتاءات".. "أياكم وغزوات الصناديق"

[Mary Naeem]

نشطاء مصر يوجهون 60 نصيحة لـ"ثوار سوريا": "قولوا لا للاستفتاءات".. "أياكم وغزوات الصناديق" و"متجيبوش سيرة المادة التانية ".. "وخدوا مرشد الإخوان السوريون رهن لحد ما تنتهى الفترة الانتقالية"

الاشتباكات فى سوريا
كتب محمود سعد الدين ورامى نوار

وجه المصريون ما يزيد عن 60 نصيحة للشعب السورى عبر موقع التواصل الاجتماعى "تويتر" كحصيلة تجارب المصريين طيلة عام ونصف، والمشاكل التى أعاقت تحقيق أهداف الثورة.

خفة دم المصريين وسرعة بديهتهم ظهرت فى كيفية معالجة كل الأخطاء التى ارتكبها الشعب المصرى فى حق ثورته بشكل ساخر، لكى لا يقع فيها السوريون، مثل: "إياكم والاستفتاء.. والدستور أولا.. واللى يقولك عليه توافقى علقه"، وغيرها من التويتات المبدعة لمستخدمى "تويتر".

"اليوم السابع" تعرض أهم نصائح الشعب المصرى للثوريين الواردة ضمن هاشتاج "نصائح المصريين للسوريين":

1. ‏ قولوا لا على أى استفتاءات.
2. الإخوان السوريون هيقولوا مش داخلين انتخابات مش عاوزين الحكم، وهتلاقوهم دخلوا البرلمانية، والرئاسية بمرشح وباستبن، خدوا المرشد رهن لحد ما تنتهى الفترة الانتقالية.
3. اللى يقولكوا مشاركة لا مغالبة.. إعرفوا إنة إخوان على طول.. حتى لو كان جورج صبرا.
4. ‏ أى حد يقولكوا مش هننفرد بالحياة السياسية لواحدنا وهناخد نسبة 30% من البرلمان قوله أنت كذاب.
5. ‬‏ إياكم وغزوات الصناديق بقى.. على الدستور عدل لا تروحوا يمين ولا شمال.
6. أوعوا حد يقولكوا هنعدل الدستور وتقولوا نعم.. قولوا لأ خليكوا ثوريين لآخر لحظة.
7. ‬‏ فى أى حاجه قولوا لأ انتخابات، دستور، استفتاء حتى لو انتخابات رياسة أصل نعم بتجيب مشاكل كتيير انتوا فى غنى عنها.
8. ‬‏ متجيبوش سيرة المادة التانية ولا تيجو جنبها.
9. ‬‏ اللى يقولك نعمل استفتاء ارميه ورا مصنع الكراسى بدمشق.
10. أصدقائى فى سوريا.. فى راجل أعمال هيأسس حزب السوريين الأحرار.. ما تمشوش وراه.
11. لو بتوع آسفين يا بشار قالولك ديموقراطية قولهم كان فيه وخلص.
12. ‬‏ أى حد عندكم اسمو عكاااااشة هاتوووووه واعتقلوووه فوراااااااااا.
13. هيطلع ناس تقولكوا دى مش ثورة واحتمال تبقى فوتوشوب اخطفوهم.
14. ‬‏ سيخرج عليكم من يتباهى بمطارٍ بناه.. فذلكم الشفيق فلا تناصروه.
15. اقتلو اللى عمل مطار دمشق من دلوقتى أحسن.
16. ‬‏ هيطلعلكوا راجل يحيى الشهدا، خدوا بالكوا هيطلع عينكم بعدها بشهر.
17. اتحركوا من الميدان ع التليفزيون السورى عدل، توك شو ممنوع، تحليل سياسى ممنوع، فقهاء دستوريين إعدام.. مسلسلات تركى وبس.
18. اللى يقولك نعمل حــكومات انتقالية متصدقوش.. ولا تسيير أعمال.. ولا حتى جيش وشعب أيد وحدة.
19. ‎‫ ‬‏ إياكم وفاروق الشرع فإنه شر عظيم.
20. ‬‏ أى حد عندو اسمو صفوت بتاع شقة العجوزه إعدااااااااام.
21. ‬‏ اعملوا عكس كل اللى إحنا عملناه وأنتوا تفلحوا.
22. ‬‏‬‏ أى حد يقولك سوريا بتتحرق.. سوريا بتتحرق. ولع فيه.
23. ‬‏‬‏ اسألوا الإخوة فى تونس.. هما أدرى مننا.
24. اللى يقولكم هنلم تبرعات لرفض المعونة الأمريكية.. اسحلوه.
25. ‬‏ طهروا الإعلام فورا ولا تنتظروا.. نظفوا البلد من كل بوق من أبواق النظام المستبد.
26. لا تسمعوا منا كلمة وحدة، إحنا بتوع التنظير، وسايبين المركب تسير، وبنرغى كتيير، ومن غير أى تدبي، ماشية تساهيل.
27. احتلوا مبنى الإذاعة والتليفزيون.
28. ‬‏ المعركة الأولى التى يجب أن تخوضوها تكون تطهير القضاء والإعلام... بعدها سيكون سهلا تطهير الشرطة والجيش وكل شىء.
29. للسوريين‬‏ وزير الطيران المدنى اعدموه.
30. ‬‏ إياكم وأنصاف الثورات، فإنها مقابر للثوار.
31. ‎ ‬‏ ‬‏ متعملوش جمعااات سلمية.. أى حاجة عاوزينها من أى حد.. فجروا الحد ده وطلعوا معاميعوا.
32. ‬‏ فجروا مقرات التليفزيون السورى.
33. ‎‫ ‎‫نصيحة_ المصريين _ للسوريين‬‏ علقوا الممثلات اللى كانوا بيأيدوا بشار.
34. ‎‫نصيحة_ المصريين _ للسوريين‬‏ ابحثوا داخل كل العربيات 4x4 هتلاقوا واحد بدقن اسمه ونيس سيبوه وهاتوا البت اللى معاه.
35. ‎‫نصيحة_ المصريين _ للسوريين‬‏ ‏اقتلوا الفلول كلهم.
36. ‎‫نصيحة_ المصريين _ للسوريين‬‏ اعتقالات بأه يارجاله وإللى يقولك دولة قانون قوله كان زمان.
37. ‎‫ ‬‏ متعملوش ماتشات بجماهير لغاية ماتستقر الأوضاع.
38. ‎‫ ‬‏ شرعية ودستورية الكلمتين دول مانسمعهومش على لسانكوا أبدا دول نهايتكوا.
39. ‎‫ بعد مقتل وزير الدفاع السورى نصيحة ماتنسوش تولعوا فى المحكمة الدستورية.
40. ‎‫‬‏ أحلى حاجة إنكو قتلتوا وزير الدفاع علشان مايطلعش حد يقول حمينا الثورة.
41. ‬‏ اسمعوا كلام البوب وأنتوا مغمضين.
42. ‬‏ أى برنامج توك شو اقفلوه.
43. ‫‬‏ اعزلوا كل من تولى منصبا قياديا فى نظام الأسد الأب أو الابن فلا يعمل بالسياسة ولا يتول منصبا بالدولة مهما كان.
44. للسوريين‬‏ الجيش حمى الثورة.
45. للسوريين‬‏ أوعى ترجع بيتك حتى لو بشار مات. ‎
46. لو قالولكم انتخابات متنتخبوش حاجتين، الحرية والعدالة والكتلة السورية.
47. أقيموا اللجان الشعبية فور نجاح الثورة وسقوط بشار ولا تفضوها حتى مجىء الرئيس المنتخب.
48. ‬‏ لا تسمحوا لأحد غيركم أنتم – الثوار - بإدارة المرحلة.
49. أوعو تحاكموا بشار زى ما تهبلنا وعملنا فى مبارك بشار لازم نهايته تكون عبرة للعالم كله ولكل ظالم.
50. ‬‏للسوريين: كان عندك حق يا برادعى.
51. أوعوا تخلوا المجلس العسكرى يعمل صفحة على الفوس بوك أو الطنيطر.
52. ‬‏ توفيق عكاشة السورى بتاعكم احرقوه قبل ما يأثر عليكم.
53. لو عندكو بلد اسمها منوفية ولعوا فيها.
54. للسوريين‬‏ أى واحد مسمى نفسه فقيه دستورى أو خبير استراتيجى ولع فيه.
55. لو عندكوا محكمة دستورية اقفلوها من دلوقتى.
56. نصيحة _ المصريين _ للسوريين‬‏ ثورتكوا انجح ثوره.. عشان ما جاتش بالساهل.
57. نصيحة _ المصريين _ للسوريين‬‏ يا ريت تموتوا كل الستات إلى اسمهم "أم أيمن" عندكو فى سوريا.
58. نصيحة _ المصريين _ للسوريين‬‏ لو أبوك أو حد من أهلك حاول يقنعك بالإخوان بتوعكو احلقلهم.
59. نصيحة _ المصريين _ للسوريين‬‏ اعملوا قضاء نزيه وشريف وبعد محاكمة كل الفاسدين تصالحوا وبدأوا صفحة جديدة دون تصنيف الثورى من الفلول.
60. قبل ما تترشحوا للرئاسة هاتوا حكم من المحكمة أن أمه مش أمريكية.




اليوم السابع