زوّادة اليوم:
كان في ولاد ماشيين عالطريق و شافو سيارة مكتوب عليها: "ماذا يفعل الحاسد امام الرازق؟" صارو يتناقشو شو معقول يكون مقصود بهالعبارة. شوي وصل صاحب السيارة و فسّرلن:
الرازق هوّي الله، و هالجملة بتعني انو الّلي بيآمن بالرب ما بيتأثّر بحسد الناس. مطرح ما الله موجود الحاسدين ما بيقربو لأنّو الحسد من افعال الشرير! كونو قنوعين، ما تتطلّعو بالناس هيدا شو عندو و هيدا شو معو...بالوصايا العشرة بيقلنا الرب: لا تشتهي مقتنى غيرك!
شو همنا شو عندو غيرنا اذا نحنا منعرف انّو عنا بَيْ بالسما رح يعطينا خبزنا كفاف يومنا، شو همنا شو عندو غيرنا اذا ربنا قلنا ما تعتلو هم شو تلبسو و شو تاكلو انتم افضل من عصافير كثيرة، شو همنا شو عندو غيرنا عالأرض اذا نحنا عنّا حياة ابدية و خلاص!...الله معكن
11 - 03 - 2018, 04:03 AM
العرض الشجري