في نفس المكان!
كُتر الخبطات بتوجع صحيح لكنها برضه بتعلِّم!
لما بتحصل حاجة في حياتنا مؤلمة زي مرض، جرح،فراق، بيوجعنا أوي لكن بعد وقت بنحس أن خلاص اللي حصل حصل وبنبدأ نعيش حياتنا ونقول أن الله صالح واتعونا على الموضوع وخلاص، بس لو أتخبطنا في نفس الحتة تاني بنرجع نصرخ ونثور أكثر من الأول وعادةً بنرجع وبنلوم ربنا ونقوله ليه كل مرة بتوجعنا في نفس الحته اللي وجعتنا أوي قبل كده.
الوقت الحاسم!
الوقت اللي فات كان عندي نفس السؤال، ليه في أمور معينة في حياتنا بنتوجع فيها كتير؟، في وسط حيرتي لقيت ربنا بيفتح عيني على تعاملاته مع ولاده، وطول الوقت في الكتاب كل موقف بيبان انه صعب على أولاده كان علشان بيقوي عضلة إيمانهم، ولأن عدو الخير اسمه المُشتكي، فلما بنمر بموقف صعب ونخرج منه وبنكون واثقين في الله بيشتكي علينا زي ما عمل مع أيوب، ولأن الله بيبقى عارف احنا ممكن نثبت لغاية فين مش بيدينا تجربة أبداً فوق احتمالنا ولو انت بجد واثق فيه، عمرك ما هتاف طول ما انت ماسك فيه!!
من حقك تسأل!
ممكن يكون عندك نفس السؤال اللي كان جوايا من فترة، ليه يارب كل مرة بتوجع في الحتة دي، من حقك تسأل بس أوعى يخور إيمانك كأنك متعلمتش أي حاجة في خطوات إيمانك مع ربنا.
15 - 02 - 2018, 05:32 PM
العرض الشجري