|
 |
 |
 |
|
رقم المشاركة : ( 1 )
25 - 01 - 2018, 08:20 AM
|
|||||||||||
|
|||||||||||
 ماتتعافاش علي نفسك , لما تتطلع من علاقة بالذات , لما قلبك يكون موجوع , ماتعملش نفسك سبعة في بعض وتقرر إنك هاتنسي وإنك مش مضايق وإنك مش فارقة معاك , ما تبدأش في التمثيل علي نفسك والناس إنك كويس .. (انت كداب يابو صلاح) إنت مش كويس ومش هاتبقي كويس فـ يومين إلا لو إنت فعلا ماحبتش اللي قدامك خالص ومصدقت تخلص منه .. غير كده إنت مش هاتبقي كويس في ساعتها وده طبيعي وكمان جميل لإن ده لو دل علي شيء بيدل علي إنك حبيت بجد , وكنت شاري , وصاين العشرة و ماكنش هاين عليك ده يحصل .. (حتي لو إنت اللي اخترت البعد) زي ما إحترمت حبك أرجوك إحترم زعلك .. خد وقتك في إنك تبقي مضايق أو مخنوق أو ملكش نفس في الدنيا .. بس مطولش فيه وتفضل عايش فى الذكرى .. خد وقتك في إنك تزعل شوية وتسكت شويتين إسمح لنفسك إنك تحس إنك ضعيف وموجوع سيب دموعك تنزل .. وإتكلم عن إحساسك حاول تطلع كل اللي جواك , حاول تعيش مرحلة الحداد علي حبك , لإنه كان مهم في يوم من الايام .. كل مابتقوي علي نفسك , كل ما بتأجل زعلك اللي جاي جاي , ماتخليهوش يوصل لمرحلة إنفجار إنت مش هاتستحملها , أو يوصل لمرحلة إنك عايش بيه وكأنك شايل جبل محدش شايفه .. خليك متأكد إنها مرحلة وهاتعدي , وإنك هاتقوم أقوي بكتير وهايجي يوم وهاتفتكر وتضحك من قلبك وهاتقول كانت أيام .. وخليك متاكد إن زعلك مش ضعف .. ( الضعف إنك توقف حياتك عليه ) زعلك إخلاص , زعلك حب , زعلك أصل .. زعلك دليل إنك إنسان 
|
|
| قد تكون مهتم بالمواضيع التالية ايضاً |
| الموضوع |
| دموعك تنزل شكر لربنا |
| حتى لو نسيت نفسك ربنا مش هاينساك |
| وصفه سريعه تسد نفسك و تنزل وزنك بسرعة |
| وصفه سريعه تسد نفسك و تنزل وزنك |
| وصفه سريعه تسد نفسك و تنزل وزنك بسرعة |
العرض الشجري