جيل غلبان اللي شافه ماشفهوش حد..
ثورات..موت اعز الناس ليهم...ماترحوش الاديره كتير..معلش الغوا المؤتمرات بلاش سفر.. بلاش رحلات.. بلاش حفلات..بلاش تجمعات.. بلاش حفله العيد.. لبسكوا وحش.. انتوا مستهترين.. بلاش اسامي اجنبي.. كل حاجه غاليه. فقر..مش عارفين يتجوزوا.. يذاكروا كويس الامتحان يجيلهم بره المنهج..مرض..سرطان..ناس تكفرهم.. ناس تهرطقهم..ضغوط من هنا ومن هنا ومن هنا ولو كتبوا كلمتين علي الفيس يطلع مليون واحد يوعظهم ويقولهم بلاش الكلام ده.. شباب مطحون في حياه وضعف وخطيه كسراه..شابات مش عارفين يمشوا حتي بحريه في الشارع..او حتي وهي تشتغل محدش،بيرحمها.. كل حاجه ضدهم..ارجوكوا احتملوا الجيل ده شويه لو لقيتوه جي الكنيسه والعالم مشوه فيه احضنه ماتوعظوش.. لو لقيته عاوز يعمل اي حاجه علشان يظهر ويبان اقف جنبه وعلمه.. لو لقيته بيضحك كتير وبيهزر كتير ومستهتر استحمله معلش. الاحتواء و الحضن اللي مليان بربنا هايغير اللي عمله العالم والدنيا فيهم.. ماتستغربهمش لكن استغرب علي العالم الشرير اللي الجيل ده محطوط فيه..ماتقولش،شباب اليومين دول لانك لو حاسس بالي هما حاسينه هاتعمل اصعب منهم.. احتويهم.. احضنهم.. استحملهم.. اديهم ربنا بالمعلقه اكنك بتأكل عيل صغير.. خليك مسيح ليهم..
ونصلي كلنا زي ما الكنيسه علمتنا ( ونحن يارب غربتنا في هذا العمر اجعلها يارب بغير مانع ولا عاصف ولا قلق الي الانقضاء)
ابونا جوناثان رفعت
21 - 01 - 2018, 12:29 PM
العرض الشجري