برنامج وقعت فى ايد ميرو وماريت

[sama smsma]

المشاركة الأصلية كتبت بواسطة marit jesus

سمسمتى هبدا انا الاول هسالك كدا كام سؤال
نستفتح بيهم ههههههههه لحد ماتيجى ميرو تكمل بعد كدا



1- عجبنى اووووووى اختيارك للتوبيك اللى فى البروفايل بتاعك
فى اسم الولة اللى هو طفلة ترفض ان تكبر فايه سبب اختيارك للشعار او التوبيك دا بالتحديد؟؟؟؟؟؟؟
علشان انا طفلة ف تصرفاتى بحاول اكبر مش عارفة
تقريبا عندى طفولة متأخرة
************************************************** ************



2-ايه رايك ياسمسمة فى الفن والابداع بوجه عام كالتمثيل والغناء والموسيقى وكل الانواع وايه رايك بوجه خاص فى التصميمات؟؟؟؟؟؟
كل الفنون بتشبع وتنمى الروح والاحساس
بشجع كل الفنون جداااا
التصميمات دى حاجة كدة ماقدرش استغنى عنها خالص علشان بحب الرسم فبتخيل التصميم قبل مااصممه اكنى برسمه بالظبط

************************************************** ************



3- ايه اكتر حاجة ممكن تعجبك وتريحك فى تعاملك مع الشخصية اللى قدامك؟؟؟؟؟؟؟ واية برضو اللى بيشدك فى اول مرة تتعرفى على الشخصية او الصديقة اللى بتتعرفى عليها اول مرة؟؟؟؟
البساطة لما بشوفها فى الشخص اللى بتعامل معاه برتاح جدا
وكمان تكون شخصية مرحة وصادقة


************************************************** ************


4- بتحبى قراة الكتب ولو بتحبيها بتحبى تقرى ايه او ايه اكتر كتاب عجبك ولو مابتحبيش بتحبي ايه؟؟؟؟؟؟
بحب كتب البابا شنودة جداااااا وخصوصا التأملات
وبحب كتاب اسمه سندريلا سيكريت بيتكلم عن انك ازاى تعرفى انتى رسالتك ايه ف الحياه
************************************************** ************




5- بتحبى ياسمسمة الطيور او الحيوانات بشكل عام ولو بتحبيها بتحبى ايه ولو مش بتحبيها يبقى ليه؟؟؟؟؟؟
بحب الدولفين جداااااااااا بحسه كائن بريء ومحب جدا
وبحب القطط عندى قط اسمه بابسي مجنناه هههههههههه

************************************************** ************



6- ايه اول حاجة بتحبى تعمليها لما تصحى الصبح؟؟؟؟؟؟؟
اول حاجة بعملها بكلم ربنا
وبعدين افطر قبل ما اكل العيال

************************************************** ************


7- لما بتبقى مش فى الموووووووود بتعملي ايه عشان تبقى ريلاكس او فى الموود؟؟؟؟؟؟
باكل شيكولاتة علطول بتخلى مودى بجد احسن
ولو مافيش شيكولاتة بدور على اى حاجة تبسطنى واعملها واكتر حاجة بتبسطنى انى بلعب مع ساندرا
************************************************** ************





8-ايه اكتر حاجة بتحبي ترسميها او بمعنى اخر ايه اكتر الرسومات اللى صممتيها او حتى شوفتيها وشدتك وايه اللى شدك فيها او عجباك فيها؟؟؟؟؟؟؟؟؟؟؟
بحب تصميمات و رسومات ماما العدرا جداااااا جدا والقديسة فيلومينا
ليهم مواقف كتيرة معايا فبحب اصممهم
ورسمت ماما العدرا قبل كدة
************************************************** ************




9- بما انك فنانة مبدعة فى الفوتوشوب والتصميم اكيد فى حد من الفنانين والرسامين المشهورين بتحبى رسوماته او حتى اعماله الفنية ياترى مين هو؟؟؟؟؟؟؟؟؟؟
بتابع كل الرسامين اللى بيرسموا ف الكنايس بجد بيرسموا تحف فنية ربنا يعوض تعبهم


************************************************** ************
10- بتحبى تسمعى مين من مطربين او تشوفى اعمال فنانين زمان ؟؟؟؟؟؟؟؟؟
بحب افلام زمان جدا وخصوصا افلام محمد فوزى واساعيل يس
والاغانى بحب نجاه ووردة وفيروز

يارب ميرو تصحى بكرة