زوادة اليوم : اول محصول للرب

[souad jaalouk]

زوادة اليوم: أول محصول للرّب

بيخبرو عن ستّ تقيّة، كانت عم تحكي مع رفقاتها عن يسوع المسيح، لـمّا بتقوم وحدي منهن، وبتضربها براس بطاطا ع وجها وإختفت بسرعة.
النسوان تلبّكو، بس هيّي، وبإبتسامة كبيرة لقطت راس البطاطا من الأرض وحطّتو بجزدانها. بعد شهور إجت هالسِت التقيّة وحاملة كيس بطاطا كبير، قدمّتو للكنيسة، فسألوها النسوان: «من وين جبتي هالبطاطا؟» جاوبتهن: «رح قدّم للربّ باكورة محصول راس البطاطا يلّي زتّتو عليّي صديقتنا، لـمّا كنت عم إحكي معكن عن يسوع، والعمل يلّي قمت فيه أنا، هوّي إنّي زرعت هالراس بجنينة البيت، وهيدا هوّي أول محصول».
الزوّادة بتقلّي وبتقلّك:
«فتّش ع الخير، حوّل الشرّ لَخير، زراع الخير بقلبك، حصود ثمرو، وتقاسمو مع غيرك».