عملت المستحيل ومفيش فايدة

[walaa farouk]

لغاية فين تقدر تتنازل عن مبادئك أو حاجة متعود عليها قصاد حاجة تانية هتاخدها؟!
أوقات كتير بنتنازل عن حاجات في حياتنا زي وقت ومجهود وفلوس، علشان نكسب حاجة زي منصب أو حب أو كرامة، وبنبذل أقصى جهدنا علشان نوصل لها لكن للأسف في الأخر مفيش أي حاجة بتحصل وبنوصل لمرحلة إننا نبقى نفسنا في الحاجة دي أوي وفانيناعمرنا علشانها لكن محدش راضي يديهلنا.

قصة قديمة لكن مختلفة:-

سمعنا عن الابن الضال كتير ويمكن كمان حافظين قصته كويس جداً، لكن هنقف النهاردة عند جملة ” ولم يعطيه أحد ” ، نفسه في حاجة جداً ومحدش راضي يديهاله، فكر معايا كده الولد ده أكيد صرف على أصحابه كتير بس محدش فيهم فكر يساعده لما فلوسه خلصت وفضل قاعد يشتغل عند حد نفسه حد يحن عليه حتى بأسوء أنواع الأكل ومفيش فايدة .

حدد إيه المهم واعمله:-

لو الاحساس ده وجعك، ولو حاسس إنك جريت وراء حاجات بالنسبة لك كانت مهمة في وقت وفي الأخر ماخدتش حاجة، متفضلش تعيط وتبكي وترثي حالك، لسه فيه حل والقصة دي بتعلمنا حاجة مهمة، أعمل زي الابن الضال وارجع للمكان الصح اللي فيه الشبع وتسديد الاحتياجات الحقيقي، أجري عليه وخد منه احتياجك، هو بس اللي عنده الشبع الحقيقي هو بس اللي بيدي بدون مقابل.