تعالى يا روح الله الى قلبى

[walaa farouk]

الخطيه.. بتعرف تنقي الوقت المناسب اللي تجيلك فيه
الخطيه.. بتعرف تكلمك علي اكتر حته جواك ووجعاك
الخطيه.. لما تبقي محتاج للحب بتلاقيها اقرب حد ليك
الخطيه.. بتعرف اذاي تنيمك علي رجلها وتخليك طفل علشان تاخد رجولتك
الخطيه.. مافيش احلي من صوتها ولا احن من ايدها لما تبقي طفل عندها
الخطيه..بتقع ملامح برائتها اول مانا بقع... بيبان صوتها المخيف اول مايخرج اخر صوت ليا حنين وانا في حضنها... بيبان قساوه ايدها لما بيعلي جوايا صوت اليأس... الخطيه بتسيبني قرفان من نفسي ومن حالي ومن حياتي رغم انها في الاول قالتلي انا حاسه بيك... الخطيه توهمني بالمشاعر علشان تحطم مشاعري... وتسيبني مابين حي وميت.. لا انا طايل الموت ولا عارف أعيش... وهنا دورك يا روح الله القدوس... انت اللي تيجي لاني مش قادر اجيلك.. انت اللي تشلني وتضمد جراحي وتوديني لمكان ارتاح فيه... محتاجين دورك يا روح الله القدوس اللي بيدي المعيي قدره ولعديم القوه يكثر شده.. لو بتيجي يا روح الله للصارخين فانا مش قادر اصرخ... لو بتيجي للي بيرفعوا عينهم فانا مش قادر ارفع... ولو سالتني يا روح الله وقولتلي هو انت بتحبها هاقولك الصراحه لا انا صدقت وهمها لاني انا كمان وهمتها اني بحبها وانا مابحبهاش.. فتعالي يا روح الله لقلبي اللي مش بيحب الخطيه لكن بيحب يصدقها... قويني يا روح الله علي فراش الضعف... استر... واغفر...وارحم.. واسند