بتشوفه ازاى

[walaa farouk]

أغلب الناس عندهم صورتين كبار أوي عن ربنا، دور جوه نفسك وشوف انت بتبص عليه إزاي!




الإله ده محتاج أعمل معاه مفاوضات، وطول الوقت فيه صفقات شغالة ما بيننا، يا رب أنا مديلك كل حياتي ومستني منك تعملي حاجات كتير أنا عايزها وحياتي المفروض هتبقى حلوة وهتاخد بالك مني، ولو أنا عملتلك اللي انت عايزه يبقى دورك إنك تظبطني هنا في الأرض، الله اللي بنتكلم عنه واللي شوفناه في الصليب، الإله المحب اللي ضحى بنفسه علشان بيحبنا، إزاي يبقى هو نفسه الإله اللي بيقولي أعملي علشان أديك؟ وكأنه بيفاصل معا... عرض المزيد




بابا نويل بييجي يدي هدايا ويمشي، وهو ده اللي فهمناه عنه والفكرة دي فضلت تتورث من جيل لجيل، وكتير أوي صورة ربنا اللي عندنا شبه صورة بابا نويل دي، في ناس بتفتكر إن ربنا لازم يديني حاجات كويسة وحلوة على طول أومال هو إله غني إزاي! أنا باجيلك علشان عارف إنك بتدي كل الحلو وأنا محتاج آخد منك علشان كده أنا قريب!! بابا نويل موسمي بييجي كل سنة مرة وطول السنة بيبقى مختفي محدش بيشوفه، عطاء ربنا ده عطاء بيطلب علاقة، بيطلب حياة وإنه لازم يبقى قريب منك، مش طول ما انت مش محتاج تبعد وأول ما تتزنق انت عارف مين اللي هيعرف يصرَّفك! أو نفتكره بس في المناسبات السعيدة أو كل بداية سنة جديدة ونديله عهود وكلام وكلها يومين وينتهي كل ده!!



هي دي حقيقته..

الصورتين اللي فاتوا بيشوهوا صورة الله الحقيقي في عينينا لأنه لما بنتعرض لأزمة أو موقف صعب نظرنا بينزل من عليه، لكن العجيب بقى إن فيه آية في الكتاب المقدس بتقول" الله يشرق شمسه على الأشرار والصالحين ويُمطر على الأبرار والظالمين" ودي معناها إن ربنا بيدي الكل بالتساوي شرير وكويس، يعني بصراحة مفيش حاجة تعملها تخليه يمنع عنك الخير أو يديهولك أزيد لأنه إله صالح ومُحب في ذاته، الله مش هينقص أو هيزيد لما أنت تكون معاه لكن انت اللي بتستمع بالحب وبالعلاقة الحلوة دي، وبتكبر وبتتغير .. طب تفتكر هتتعلّم إيه لما علاقتك بربنا مقتصرة على "هات وخد"! لو مبسوط بحياتك كده خلاص، لكن لو مش مبسوط لازم تفكر بشكل مختلف!! —