|
 |
 |
 |
|
رقم المشاركة : ( 1 )
08 - 11 - 2017, 06:36 AM
|
|||||||||||
|
|||||||||||
 - هنتجوز امتى يا حبيبي؟ -- لا مش هنتجوز - نعم..! ليه ان شاء الله؟ -- مهند صاحبي قالي ما تتجوزش - مش مهند دا اللي متجوز من سنتين؟ -- اه - ولما الجواز وحش بيتجوز ليه؟ -- عشان يجرب وينصحنا اننا ما نتجوزش - نعم؟ -- صدقينى دا كان رده لما سألته نفس سؤالك - قولي عيب واحد في الجواز طيب؟ -- يا سلام! هاتي ورقة وقلم واكتبي ورايا يا ست الكل: ربع كيلو "ملل" حطيهم على نص كيس "روتين" واضربيهم في الخلاط وبعدين فضي الخليط في وعاء "المسؤولية" وحطيهم في فرن "المصاريف" لمدة شهر واحد.. واستلمي احلى وجبة "نكد" - يا نهار ابيض! ملل وروتين ومسؤولية ومصاريف ونكد؟! لما دي عيوب الجواز اومال ايه مميزاته؟ -- هي ميزة واحدة: الاطفال - اه حلوين الاطفال.. احباب الله و... -- بس دول برضه ليهم عيوب.. عياط وبامبرز ولبس ومسؤولية تانية ومصاريف اضافية.. يعني حتى ميزته الوحيدة فيها خمس عيوب - ما هو اكيد فيه حل، يعني الملل والروتين دول ممكن نقضي عليهم بالسفر والخروجات -- السفر والخروجات دول محتاجين مصاريف والمصاريف المفروض نشيلها عشان نكون قد المسؤولية، والمسؤولية هتشيِّلنا الهم ومع الهم هنعيش في نكد والفرخة عاوزة قمحة والقمحة عند .. - الفرخة عاوزة قمحة وانا عاوزة اتجوز يا حبيبى .. -- الله يحنن عليكي - طيب انا عندي حل، احنا ممكن نتغلب عالمسؤولية باننا نشتغل سوا ونساعد بعض -- هتنزلي من بيتك يعني هتتعرضي لتحرش في كل مكان، وهتتأذي نفسيا والفلوس اللي هنجيبها هنصرفها على الدكاترة النفسيين اللي هيعالجوكي.. والمصاريف المفروض نشيلها عشان نكون قد المسؤولية، والمسؤولية هتشيِّلنا الهم ومع الهم هنعيش في نكد والفرخة عاوزة قمحة والقمحـ... - خلاص بلاها شغل وتحرش، واقعدلك في البيت اعملك اغراء وألبسلك شفتشي وادلعك -- اغراء ايه يابنتي؟ دا براد بيت خان انجلينا؟ انتي عارفة الاول يعني ايه انجلينا بالنسبة لشباب مصر؟ يعني ايه انجلينا بالنسبة لشباب العالم كله؟! - .........؟! -- يعني ملكة الاغراء.. تخيلي ملكة الاغراء اتخانت عادي بسبب الملل والروتين.. ثم انا مش فاهم ايه المغري فيكي يعني؟! البادي الكارينا دا؟ ولا شعرك اللي بتغسليه بجاز؟! - لاحظ انك كدا بتهين انوثتي -- هي فين انوثتك دي اصلا؟ بصي حوار الاغراء دا فكسان، خصوصا لو من انثى مصرية زيك، عشان انا لو متجوز هيفاء بعد فترة هيحصل فتور في علاقتنا برضه - دا العيب فيكم بقى؟! انتوا اللي رجالة عنيها زايغة وما يملاهاش غير التراب -- اه انا راجل عيني زايغة وما يملاهاش غير التراب فعلا.. وانتي مش تراب يعني مش هتملي عيني ومش هينفع نتجوز - لا هينفع عادي.. انا بحب الرجالة اللي عينيها زايغة، مالكش دعوة انت. لا_مفر اكتبي_ورايا_يا_ست_الكل *بصوت الشيف شربيني* الفرخة_عاوزة_قمحة_وانا_عاوزة_اتجوز 
|
|
| قد تكون مهتم بالمواضيع التالية ايضاً |
| الموضوع |
| عاوزة ابقى انا ... |
| عاوزة |
| مش عاوزة غيرك |
| انا عاوزة ولد |
| وانا عضوة جديدة كمان عاوزة ترحيب |
العرض الشجري