|
 |
 |
 |
|
رقم المشاركة : ( 1 )
04 - 11 - 2017, 09:59 PM
|
|||||||||||
|
|||||||||||
|
اظن الحب اللي بيكمل مش معتمد على اني احب اللي معايا زي ما هو بعيوبه وميزاته دلوقتي بس. الحب اللي بيكمل في وجهة نظري هو اني اقبل اللي معايا بتغييراته وتشكيل شخصيته المستقبلية كمان، اقبل احتمالية انه يكون شخص مختلف تماماً بعد وقت من علاقتنا. ويبقى ده التحدي .. مش اني احبك دلوقتي.. بس اني افضل احبك حتى لو مبقتش أنت نفس الشخص اللي عرفته في البداية خالص.. لو ميولك واهتماماتك وافكارك اتغيرت تماماً. لو طباعك وشخصيتك حتى بقت مختلفة .. اصل أنا بحبك مش عشان حاجة فيك. مش عشان ميزة او نقط قوة في شخصيتك... أنا بحبك ببساطة.. لأنك "أنت"، بحبك لأني بحبك.. نقطة. بحبك من غير اسباب.. بحبك وعامل حسابي انك ممكن تتغير وتبقى شخص مختلف تماماً قدام.. وقابل كل تغيُّراتك و"شطحاتك الفكرية" وتقلبات وجهة نظرك ورؤيتك للحياة.. بحبك ومستعد اكمل معاك رحلة اكتشاف نفسك وهدفك في الدنيا دي.. بحبك واوعدك اني افضل احبك مهما اتغيرت ومهما وقعت في النص ويأست من وصولك للنهاية. بحبك ومش معتمد على شكلك أو شخصيتك أو طباعك عشان افضل احبك، لكن ببساطة حبي ده ثابت مصدره الله ومش هايقف أو يتغير ابداً حتى لو أنت اتغيرت.. بحبك.. من دلوقتي.. للأبد 
|
|
العرض الشجري