انسان عايش كأنه ميت ..

[Rena Jesus]

من أبشع و أصعب الأمراض النفسية مرض اسمه
" Catatonia كتاتونيا " ..
ملخص المرض دا إنه قرار ..
شخص فقد الإحساس بالأمان في بيته .. مع أهله .. و حتي اصحابه ..
في الشارع و الشغل و ف كل مكان بيروحه ..
في الوقت دا عقل الشخص دا بياخد قرار غريب جدا و هو إنه يرجع بالزمن لورا ..
يفضل يرجع سنة و سنتين و يمكن 20 كمان لحد ما يوصل لأخر وقت كان حاسس فيه بالأمان و يثبت عنده و يعيش فيه ..
ممكن يكون الوقت دا كان و هو عنده 10 سنين مثلا ف تلاقي تصرفاته فجأة اتحولت لطفل عنده 10 سنين ..

كل دا هو لسة موصلش ل "الكتاتونيا " ..
كل اللي فوق دا ممكن يتعالج مع الوقت و مش هياخد فترة طويلة غالبا لكن الأصعب والأبشع لما الشخص دا يفضل يرجع بالزمن و ميلاقيش ولا فترة من حياته حس فيها بالأمان ..
ولا في مراهقته ولا في فترة بلوغه ولا و حتي في طفولته ..
ساعتها عقله بيقرر بشكل غير مقصود إنه يتحول لجثة ..
جثة بجد ..

هو منتحرش ولا شنق نفسه مثلا بس هو قرر ينعزل عن العالم الخارجي بكل صدماته وبشاعته و كل الحاجات المؤلمة اللي مر بيها ف حياته ..
متخيل انسان عايش كأنه ميت .. ساكت مبقاش قادر يقول ولا كلمة ..
دا كمان فقد السيطرة علي حركته و جسمه و كل حاجة ..
و اتحول لجماد مالوش أي دور ..

في أسباب كتير لوصول الناس للمرض دا
زي إن حد وصله من كل اللي حواليه إنه فاشل و عمره ما هينجح ف أي حاجة ..
أو إن حد اتقاله كلام وجعه و مقدرش يكمل حياته بعد كدة ..

خلوا بالكوا من كل كلمة بتقولوها للناس لإنكوا ببساطة ممكن تكونوا سبب في إنقاذ حد من الدخول في حالة مرضية صعبة و ممكن جدا تكونوا سبب في إنهاء حياته و تحوله لجماد عايش علي الأرض ..
قربوا من الناس اللي مشاكلهم كتير و خليكوا معاهم حتي لو وجودكوا مش هيحل حاجة من المشاكل دي بس كفاية إحساسهم بالآمان و ان لسة في ناس عايزينهم و عايزين يكونوا معاهم ..
يمكن كلمة حلوة منك تكون سبب في مساعدة حد قدرته علي مواجهة العالم الخارجي خلصت ..

الناس اللي طول الوقت بيقولوا كلام يضايق ..
اللي بيهملوا الناس بعد ما دخلوهم حياتهم و بقول جزء اساسي من يومهم ..
اللي بيبعدوا فجأة و بينهوا العلاقة فجأة ..
كل اللي بتعملوه دا تأثيره كبير جدا جدا علي اللي حواليكوا ..
و بالمناسبة المرض دا سموه كدة لإن كتاتونيا كلمة أصلها لاتيني و معناها "جثة " ..
رفقا بعقول الناس و قلوبهم أرجوكم