و اعتمد

[sama smsma]

تنويعات على اوتار انجيل مرقس
نغمة 2 ... الاصحاح الاول
و اعتمد ...
وَفِي تِلْكَ الأَيَّامِ جَاءَ يَسُوعُ مِنْ نَاصِرَةِ الْجَلِيلِ وَاعْتَمَدَ مِنْ يُوحَنَّا فِي الأُرْدُنِّ.
10 وَلِلْوَقْتِ وَهُوَ صَاعِدٌ مِنَ الْمَاءِ رَأَى السَّمَاوَاتِ قَدِ انْشَقَّتْ، وَالرُّوحَ مِثْلَ حَمَامَةٍ نَازِلاً عَلَيْهِ.
11 وَكَانَ صَوْتٌ مِنَ السَّمَاوَاتِ: «أَنْتَ ابْنِي الْحَبِيبُ الَّذِي بِهِ سُرِرْتُ».
السؤال ... معمودية يوحنا كانت للتوبة ...طب ازاى النمسيح يتعمد و هو الذى بلا خطية .. هو اللى شهد ليه مسلمه و اللى حاكمه و اللى صلبه
يهوذا قال انه اسلم دما بريئا و بيلاطس قال لا اجد فيه علة قط و قائد المائة قال انه ابن الله البار ... يتعمد ليه ؟
الاجابة
اول حاجة المسيح نفسه جاوب تلاقى الحكاية فى متى متي 3
3: 14 ولكن يوحنا منعه قائلا انا محتاج ان اعتمد منك وانت تأتي الي
3: 15 فأجاب يسوع وقال له اسمح الان لأنه هكذا يليق بنا ان نكمل كل بر حينئذ سمح له
يعنى ايه ؟ يعنى المعمودية اللى كان بيتعمدها الشعب و اى بر بيعمله النسان ما يكفهوش انه يدخل السما ... مهما النسان قدم ذبايح و اعتمد عند يوحنا برضه ما ينفعش لغاية لما جه المسيح اعتمد لحسابنا بمعنى خد خطيتنا لانه حمل الله و وقف قدام يوحنا و اعتمد و كانه قدم توبة عننا علشان كده هو ده المنظر اللى عجب الاب فقال هذا هو ابنى الحبيب الذى به سررت ..واحد بس يخش الملكوت هو المسيح .. طب و احنا ما ينفعش نخش لكن لو اعتمدنا بيحصل الاتى بنندفن معه و نقوم معه و الروح القدس يحولنا من مولود رجل و امراءة الى ابن لربنا و كمان تاخد الصورة الوحيدة المسموح انها تخش السما علشان كده بولس لقطها و قال انتم اللذين اعتمدتم بالمسيح قد لبستم المسيح .. تلبس المسيح يعنى انت اختفيت جواه و هو اللى ظاهر و هو ده اللى يفهمك ليه لما نعمل خير قال مجدوا اباكم الذى فى السموات مش نمجد انفسنا لان اللى عمله و اللى شافه الناس المسيح اللى احنا استخبينا جواه و خدنا صورته
تانى سبب ... كان بينفذ العلامة اللى كانت مع يوحنا علشان يستعلن ...يوحنا المعمدان خد علامة من الروح القدس
(وانا لم أكن اعرفه لكن الذي ارسلني لاعمد بالماء ذاك قال لي الذي ترى الروح نازلا ومستقرا عليه فهذا هو الذي يعمد بالروح القدس) و كده يبدا يوحنا يكرز بالمسيح لليهود و يقدمه
تالت سبب علشان نفهم ان الله الواحد ثالوث و يظهر لنا ذاته الله الكيان الواجد فيه ثالوث و للى ما يعرفش احنا لا نعبد ثلاثة بل اله واحد زى ببساطة كده انت انسان واحد فيك روح و نفس و جسد اقدر اقول انك تلاته ؟ لا لكن انت واحد فيك تلات حاجات
رابع سبب اعلن وسيلة قبول الايمان و هى المعمودية علشان كده قال لنقوديموس لازم تتولد ثانية من الماء و الروح
فيه بقة كمان شوية حاجات تخص اليهود ...المعمودية استعلان كهنوت المسيح لانهم كانوا لما يكمل الرجل من سبط لاوى التلاتين و قبل ما يبقى كاهن يعتمد و كان المعمودية اعلان حيان جديدة
وَتُقَدِّمُ هَارُونَ وَبَنِيهِ إِلَى بَابِ خَيْمَةِ الاجْتِمَاعِ وَتَغْسِلُهُمْ بِمَاءٍ.


13 وَتُلْبِسُ هَارُونَ الثِّيَابَ الْمُقَدَّسَةَ وَتَمْسَحُهُ وَتُقَدِّسُهُ لِيَكْهَنَ لِي.
و علشان كده عمل سليمان الحوض النحاسى
كمان كان فيه طقس كده يهودى فى الجواز اسمه ميكفا .. تروح العروسة الي المعمودية اللي اسمها ميكفا وشروطها تكون مياه نبع من الأرض او مياه جارية وتتعمد وتعتبر حياتها القديمة انتهت وتبدأ حياه جديدة مع عريسها. زى العروس الكنيسة او النفس لابد ان تتعمد من الينبوع والحياة القديمة انتهت وتبدأ حياة جديده مع عريسها المسيح
ويقول القديس أمبروسيوس في تفسيره لإنجيل لوقا: اعتمد الرب ذاته... لم يعمد ليطهر، وإنما ليطهر الماء، فإذ نزل إليها المسيح الذي لم يعرف خطية صار لها سلطان على التطهير، بهذا كل من يدفن في جرن المسيح يترك فيه خطاياه
وَلِلْوَقْتِ أَخْرَجَهُ الرُّوحُ إِلَى الْبَرِّيَّة



13 وَكَانَ هُنَاكَ فِي الْبَرِّيَّةِ أَرْبَعِينَ يَوْمًا يُجَرَّبُ مِنَ الشَّيْطَانِ. وَكَانَ مَعَ الْوُحُوشِ. وَصَارَتِ الْمَلاَئِكَةُ تَخْدِمُهُ.
وللوقت يعنى بعد العماد مباشرة، فالشيطان يحقد علينا ويحسدنا عقب كل بركة ننالها أخرجه الروح يقصد بيها الروح القدس أخرجه ليغلب لحسابنازى ما اعتمد لحسابنا ... إلى البرية وكان مع الوحوش.. البرية القفرة الموحشة الخربة مكان الشياطين، وبها وحوش تخيف و يمكن يقصد بالوحوش الشياطين نفسهم او وحوش فعلا يخيف بها إبليس الإنسان زى ما كان يظهر للأنبا أنطونيوس على شكل وحوش مخيفة. والمسيح انتصر على كل ذلك حتى ننتصر نحن فيه. نحن نحمل في جعبتنا إمكانيات إلهية الآن بها نغلب. من يقوده روح الرب وهو مختفي في الرأس المسيح بلا شك تكون معركته رابحة... و حكاية الملائكة تخدمه هو مش مستنى و لا محتاج لكن برضه لحسابنا ... ملاك الرب حال حول خائفيه و ينجيهم ..ما كنتش دى قبل ما يعتمد و يجرب و ينتصر
14 وَبَعْدَمَا أُسْلِمَ يُوحَنَّا جَاءَ يَسُوعُ إِلَى الْجَلِيلِ يَكْرِزُ بِبِشَارَةِ مَلَكُوتِ اللهِ
اتسلم يوحنا لهيرودس و كانها علامة على نهاية الناموس الذى لم ينفع فى خلاص النسان بل كان بيشاور على احتياج النسان لمخلص حقيقى و يوحنا كان يدعو للتوبة لكن المسيح ابتدأ يكرز كرازة جديدة و هى اقتراب ملكوته ...واضح من كلمة اسلم يوحنا انها برضه مؤامرة و خيانة من اليهود
وَيَقُولُ: «قَدْ كَمَلَ الزَّمَانُ وَاقْتَرَبَ مَلَكُوتُ اللهِ، فَتُوبُوا وَآمِنُوا بِالإِنْجِيلِ».
كمل الزمان دى معناها خلاص اول المسيح ما جه الزمان اللى تنبأ عنه الانبياء حصل و جه ملىء الزمان فخلاص ما بقاش فيه زمن .. يقدم جسده و دمه فى الخميس و يتصلب الجمعة ..خلاص ما فيش زمن .. ربنا معندهوش زمن ... كل حاجة عند ربنا حاضر لافيه مستقبل و لا ماضى
يعنى مثلا حضرتك اطلع السطح و بص على الشارع تلاقى بابا راجع البيت .. و اختك نزلت مشوار .. ماما فى البيت مش زيك على السطح ... اختك لما نزلت بقت ماضى بمعنى لو حد سالها هى فين تقول نزلت طب و جوزك فين بالنسبه لها مستقبل لسه ما جاش شوية و ييجى لكن الاتنين بالنسبة لك انت ايه حاضر ..شايف بابا راجع و شايف اختك ماشية ...ربنا كده ما عندهوش زمن ..لو فهمنا دى مش حينفع نقول ربنا اتاخر .. لكن ربنا شايف الوقت المناسب لينا
لالهنا المجد و الكرامة للابد امين



نبيل شحاتة