|
 |
 |
 |
|
رقم المشاركة : ( 1 )
23 - 10 - 2017, 04:18 AM
|
|||||||||||
|
|||||||||||
|
كنت قاعدة مع واحدة صاحبتي متجوزة وفي وسط الكلام بسالها وكريم عامل ايه معاكي سكتت كدا ثانية وابتسمت وقالتلي احكيلك حاجة مملة ؟! ضحكت وقلتلها احكي قالتلي : وانا صغيرة كنت مرة عند خالتي وبنفطر سوا لوحدنا وفجاة لقيت خالتي مبطله اكل و بتتفرج عليا وبعدين قالتلي انتي بتعملي ايه في العيش ؟ بصيت تلقائيا على الرغيف اللي في ايدي وبعدين استوعبت فا قلتلها بكسفه كدا - معلش انا مبعرفش اكل قلب العيش باكل الاطراف بس خالتي ضحكت جدا جدا وقعدت تقولي الايام بتعيد نفسها ! تعرفي انا كمان عمري ما كلت قلب العيش وكان ديما جدك هو الي ياكله ورايا و ستك تقوله اخرة الدلع دا ايه يقوم باصصلي ورادد - يعني لو مشبعتش دلع هنا هستنى الغريب اللي مشفهاش بتكبر قدام عنيه لما ييجي هو يدلعها ؟! وسكتت ثواني واترحمت على جدي الحكايه فضلت معلقة في دماغي ، وعدت السنين و بقيت في ثانوي وقاعدين بنتعشى وبعدين بابا خد باله اني باكل حتة من العيش وادي لماما الباقي فا بيقولي بتعملي ايه فماما ردت - اصلها مبتاكلش غير طرف العيش فا انا باكل الباقي وراها بابا راح قايلها هو دلعك الزيادة دا مش هيخلص ؟ ساعتها لقيتها بترد عليه نفس رد جدي من سنين - يعني لو مدلعتش تحت سقفنا هستنى الغريب يدلعها ! ابتسمت وانا بفتكر كلام جدي ! الله يرحمه .. وعدت السنين يا بنتي واتخطبت وحصل مشاكل كتير و ساعة الانفصال لقيته في ضمن الكلام بيقولي وبعدين انتي فوضوية وهتبقي ازاي ام وانتي متعرفيش لا نظام و لا بتاع حتى العيش بتفرفتيه زي العيال .. ساعتها انا اتاثرت جدا و كنت في مرحلة نفسيتي هشة جدا و اي حاجة بتعلم فيا .. وعدت بعدها فترة واتقدملي خالد واتخطبنا واتجوزنا وقاعدين بنفطر مرة ولقاني بعمل العادة النيلة دي وضحكت وهي بتكمل برضا لقيته بيقولي بتعملي ايه فا قلتله قام سمعني للاخر وخد من ايدي الرغيف وبدا يقطعلي الاطراف ويحطها قصادي و هو مبتسم .. ساعتها بس عرفت ان مش كل زوج بيبقى اسمه ( الغريب ) اللي هياخدني .. وان ممكن رزق ربنا يبقى على شكل حبيب بنكهة الاهل ! خلصت وبصتلي - بس يا ستي و دا حالي مع كريم ! . حدث بالفعل 
|
|
| قد تكون مهتم بالمواضيع التالية ايضاً |
| الموضوع |
| الاهم انا ولا احنا |
| صديقة بنكهة أخت |
| يسوع هو الاهم |
| في الامس كنت الاهم |
| العلاقة بين الاهل واولادهم |
العرض الشجري