احنا المسيحين اتربينا علي لما السيف ينزل علي رقبتي هافرح. ماتربناش اني لما هامسك سيف هافرح... احنا كنا صغيرين ونتفرج علي فيلم ابانوب مارمينا والقديسه مارينا ونبكي وقلبنا الطفولي بيقول يا بختهم.. واول ما مارجرجس يقوم وربنا يخففه كنا نسقف اوي اكننا بنسقف ليسوع الاله البطل القوي اللي مافيش حاجه صعبه عليه... احنا تربينا في مدارس الاحد علي ترنيمه يا بلح لونك احمر زي دم غزير روي ارضنا ري... للاسف انتوا مش عارفين الكنيسه ربت ايه جوه وجدان كل واحد فينا... فكل واحد فينا مستني انه يكون شخصيه من الافلام الدينيه دي في يوم من الايام عارفين الطفل لما يتربي علي افلام كرتون ويبقي نفسه يبقي سوبر مان اهو احنا نفسنا نبقي مارجرجس مارمينا ابانوب مارينا وغيرهم.. اصل ابنك علي ماتربيه.. ودي تربيتنا... فتعالوا حققوا حلمنا لان مابقتش مستني حاجه من هنا
13 - 10 - 2017, 09:02 PM
العرض الشجري