ارجوكوا لو لقيتوا الطفل بيعيط ومش عاوز يتناول ارجوكوا بلاش تمسكوا راسه جامد والام تروح فاتحه بوقه والواد يفضل يخبط مش علشان ممكن الدم يقع بس لكن كمان الطفل بيكره ابونا وبيكره التناول وبيكره الوقت اللي هايقف فيه في الطابور بتاع تناول بيحس انه داخل علي معركه .الطفل ساعتها بيتخيل انه بياخد حقنه او دوا علشان كده بيرفض.. براحه بالضحك هاتبقي حلوه.. واوقات ابونا ممكن يفضل يلاعبه .بأمانه بتحصل فيروح يتناول عادي... وعلشان يحصل ده خلوا الاطفال تتناول فى قداس صغير ومش زحمه علشان نقدر نعلمهم ونعودهم.. طب افرض الطفل صمم مايتناولش ؟ خلاص سبيه وابونا يجي زياره في البيت يجيبله لعبه اي حاجه ويتعود علي ابونا مع الوقت هاتلاقي الطفل عادي خالص مش محتاج حد يكتفه علشان يتناول.واوعي الشيطان يقولك خلي بالك شكل الواد عليه حاجه وتصدقي بكده ويقولك اهو كل مايجي التناول يصوت تروحي رايحه لابونا وتقوليلوا معلش يا ابونا (اقلع علي الواد التونيه) نفسي اعرف مين اللي اخترع قلع التونيه علي الناس دي بأمانه لو الموضوع طقسي او كتابي يبقي تمام لكن لو مش كده يبقي ليه اصلا.. كل حاجه بتيجي بالراحه والتعليم واللعب والهزار.. ارجوكوا حافظوا علي تكوين نفسيه اطفالكوا خصوصا في بدايتهم جوه الكنيسه
09 - 10 - 2017, 09:51 PM
العرض الشجري