|
 |
 |
 |
|
رقم المشاركة : ( 1 )
18 - 09 - 2017, 04:02 PM
|
|||||||||||
|
|||||||||||
|
تعرف على مبادرة "عبد الفتاح" علشان تعيش حياتك رشيق ومرتاح  "أنا شاب عندى 25 سنة، فى السن دا المفروض ألبس على مزاجى وأعمل كل حاجة نفسى فيها، لكن الحقيقة أنا مش عارف ألاقى لبس ولازم أقعد على كرسى عشان أربط الكوتشى. مش عايز أكمل حياتى كدة" فى جلسة صراحة مع النفس واجه "عبد الفتاح أحمد" مهندس الكمبيوتر الشاب نفسه بهذه الحقائق، وكانت هذه اللحظة التى قرر فيها أن يغير أسلوب حياته ويتخلص من الوزن الزائد ليتمتع بحياة طبيعية والأهم "صحتى تبقى كويسة"، ولم يكتفِ بتغيير حياته وإنما قرر أن يساعد الآخرين فى تغيير أسلوب حياتهم وفقدان الوزن بشكل صحى ويصحح مفاهيمهم عن الأكل الصحى.  عبد الفتاح أحمد وشعار المدونة خس على دمك تطلب الأمر من عبد الفتاح عدة سنوات من تجربة أنظمة الدايت المختلفة وممارسة أنواع عدة من الرياضة ويقول: "أنا مهندس كمبيوتر وطبيعة شغلى بتخلينى أقعد ساعات طويلة فى مكانى، وفى نفس الوقت بحب الأكل جدًا، ومن ساعة ما قررت أخس قضيت من 5 لـ 6 سنين دايت ورياضة ورياضة ودايت، فى حاجات فرقت معايا لكن فرق بسيط وحاجات ماعملتش حاجة، فقررت أقرأ بنفسى واسكتشف العالم دا وقدرت أحقق هدفى فعلاً بالأكل بطريقة صحية".  عبد الفتاح أحمد قبل وبعد ضبط وزنه انتقل "عبد الفتاح" أخيرًا من وزن 101 إلى 83 كيلوجراما ويقول: "وزنى السابق كان كتير جدًا بالنسبة لطولى، وبعد فقدان الوزن اتغيرت حياتى تمامًا، انتقلت فى مقاس البنطلون من 38 لـ 32 وانتقلت فى "التى شيرت" من "إكس لارج" لـ"ميديم" وبقيت بقدر أعمل كل حاجة وعلى الأقل بطلع السلم من غير ما أنهج". تجربة "عبد الفتاح" الناجحة جعلت أصدقاءه ينصحونه بمشاركتها مع الناس من واقع ما تعلمه والشهادات التى حصل عليها فى مجال اللياقة البدنية فأنشأ مدونة "خس على دمك" فى أكتوبر 2015 والتى تهدف بشكل أساسى لمساعدة الناس على الحياة بشكل صحى، وتركز بشكل خاص على الطعام الذى يعد الخطوة الأولى لتحقيق هذا الهدف. ويقول "عبد الفتاح" لـ"اليوم السابع": "لما يكون هدفك هو الصحة، مش بس إن شكلك يبقى حلو وتخس، هتلاقى دا فرق فى حياتك كلها، هتلاقى نفسك بتغير نظام أكلك ومواعيده وبتلعب رياضة وتعيش بطريقة صحية". وتعمل المدونة على تحقيق هدفها هذا من خلال عدة محاور منها تصحيح المعلومات الخاطئة الشائعة عن فكرة الأكل الصحى، وتقديم وصفات للأكل الصحى ومعلومات عنه، وطرق لتناول طعام صحى وفى الوقت نفسه طعمه شهى ويقول "عبد الفتاح": "الأكل الصحى والدايت عند المصريين بيترجم دايمًا لـ أكل عيانين، لأن معايرينا للأكل الحلو هى إنه يكون مليان سمنة وزيت، لكن الحقيقة الأكل الصحى مش لازم يكون مالوش طعم المهم يكون أكل نظيف بزيت الزيتون أو زيت الذرة وملح قليل، ممكن يبقى فيه توابل لأنها صحية ومفيدة لفقدان الوزن وفى نفس الوقت بتدى الأكل طعم".  واحدة من النصائح التى تنشرها المدونة ويشير "عبد الفتاح" أيضًا إلى مواعيد تناول الطعام ويقول: "وقت الأكل مهم جدًا علشان يقدر يحرق والمعدة تشتغل وتهضم"، ويضيف: "الرياضة مش لازم فى الجيم لو عملنا أى رياضة زى المشى، الجرى أو تمارين فى البيت الجسم هيكون صحى ومظبوط". 
|
|
العرض الشجري