|
 |
 |
 |
|
رقم المشاركة : ( 1 )
16 - 09 - 2017, 07:11 PM
|
|||||||||||
|
|||||||||||
|
مش معني اننا فشلنا انها خلصت او نهايه العالم تعالوا نبدا من جديد 😍
****************************** نستهدي بالله كده ونحاول نغير من اسلوبنا مفيش حاجه بتيجي قفش ولا في حق بيرجع بالعافيه ولا الدنيا مستاهله خناق ومشاكل وهوه كده وان كان عاجبك ولا التعاملات كمياء اوي محتاجه نقعد نحاكم ونتشرط ونعقد جلسات الحياه الاسريه مش صفقه ولا محتاجه لخطط ومؤامرات الحياه ابسط من كده بكتير والذكاء الاجتماعي مهم جدا ... اخد الحق حرفه مقولتش هتعيش مقهور ولا مظلوم خالص هتاخد حقك وهتاخدي حقك بس بطوله البال والمسايسه والمحايله والنقاش نسمع بعض منقعدش نزعق وخلاص الزعيق عمره ماكان الحل خالص ومش هنسمع بعض وخلاص لاء لازم اسلوبنا يجبرنا نسمع بعض دايما حطوا نفسكم مكان الطرف الاخر فكروا لو انتي مكانه هتحبي اللي يقنعك او يطلب منك حاجه يطلبها ازاي ؟؟ بمبدأ حب لاخيك ما تحبه لنفسك يعني طالما انا حابه اتدلع واتسايس واتحايل يبقي انا كمان ادلع واسايس واحايل لو بتحبوا العنف ومعتقدش في حد كده اصلا يبقي خليكوا لطشوا بقي مهي كده هتخرب هتخرب ... احنا كبشر من الاخر الكلمه الحلوه ليها مفعول السحر معانا وتطيب الخاطر احنا مش شياطين ولا معندناش قلوب لاء كلنا لو حد طبطب علينا او اخدنا في حضنه بنهدي وبنسمع وبنتقبل سواء راجل او ست اقل كلمه من القلب وعن طيب خاطر بتفرق معانا جامد وبتخلينا نتقبل ونستوعب ونهدي ... ❣️بلاش نعلن الحرب دايما في حياتنا ❣️بلاش هوه كده وخلاص ❣️بلاش يانا يانتي ونشوف مين كلمته هتمشي ❣️بلاش مانتي مش هتمشيني وانت مش هتعمل عليه راجل ❣️بلاش نطلب واحنا مبنديش ❣️بلاش ندي غلط نشوف الطرف التاني بيفرقله ايه وايه اللي بيسعده فعلا ومحتاجه ونعمله بلاش مبدا بنعمل وخلاص ده وعدانا العيب 😏 ❣️بلاش ندخل حد بينا مهما كان الحد ده قريب عشان مفيش اقربلنا من بعض اصلا ❣️بلاش نلف وندور ولا حتي نتكسف من بعض احنا واحد واقرب الطرق لبعض الصراحه ❣️بلاش نبقي عارفين طباع بعض واللي ممكن يرضينا ونستعبط او نكسل او نهرب او نكبر دماغنا ده مش تكبير ده منتهي الفشل اللي بيقود العلاقه لمنتهي الضياع ❣️بلاش نكذب ونلف وندور ❣️ بلاش نضيع عمرنا في خلافات واوهام في دماغنا احنا بس لحد مانمرض او تنتهي الحياه بينا للفشل ❣️بلاش نعند مش هنموت لو ريحنا بعض بالعكس هنرتاح لاني لو ريحتك هتريحني ومحدش يقولي واشمعني انا اللي ابدا خلاص متبداش يا فاشل خليك في فشلك خليك استني تاخد وعمرك لا هتاخد ولا هتستفاد بالعكس هييجي يوم وتندم وتحاول تدي ساعتها بس هيكون فات الاوان وهيكون الطرف التاني مش متقبل منك اي عطاء اصلا مهما عملت ❣️❣️❣️ اللي كتير من الناس مش فاهمينه ان العطاء في حد ذاته ممتع انك تدي لدرجه ان كل اللي حواليك ميقدروش يستغنوا عنك من فرط عطائك ده احساس ملوش حل اصلا المتعه مش في انك تاخد وبس لاء حتي لو مخدتش خالص مجرد انك تدي ومن قلبك اوي ده في حد ذاته متعه حقيقيه ... ربنا يهدي سركم ويسعدكم ويهديكم لبعض ويريح بالكم 😍 
|
|
العرض الشجري