سمعت عن مخرج فاشل و حرامي ..بياخد كل شهرته من مؤلفين شطار ..ياخد النص ..او يقنعهم انه هيقعد يكتب معاهم ..و ينسب اعمالهم لنفسه ..و يدعي ان اعماله العظيمة هي نتاج عبقريته الفزة الجميلة ..
المخرج ده بيعمل كدة لأنه مفلس حرفيا ..و معندوش ابداع..او عنده نص ابداع ..و بيكمل ابداعه بالسرقة و عشان يداري سرقته ممكن يعدل جمل في النص او يحاول يقنع المؤلف ان اعماله ناقصة و ان لولا التاتش بتاعه و الكاست بتاعه ..مكانش العمل اشتهر ..هو بيستغل علاقاته في انه ينسب عمل المؤلف المغمور ..لنفسه
قلبك احيانا هو المخرج ده ..من كتر مهو مفلس و معندوش خبرة ..بياخد حكايات الفها عقلك الذكي ..و كأنها بتاعته ..و كأنه عايشها ..و لأن المشاعر مش بتاعته ..و مش خارجة منه..بيبان المحتوي للعلاقة فاضي ..تحس و انت بتتفرج فيه حاجة ناقصة ..العمل ناقصة حاجة ..يضطر قلبك..المخرج الحرامي ..يجيب المؤلف ..يقولله كمل اللي بدأته ..يتبرجل عقلك ..و يقولله تفتكر بعد ما سرقتني ..هعرف اساعدك ..تقولله هاشهرك ..يقولك ..طز في شهرتك ..اتكسف علي سرقتك..و يخرج من عندك تايه محتار ..يكمل معاك و يسيبك تسرقه..و يشتهر ..ولا يفضل عقل محترم مبدع مغمور
و بعد ماتنتهي العلاقة ..تحاول تدور علي عبرة تاخدها ..او تدخل في تفاصيل نهايتها ..مابتعرفش ..لأن قلبك حرامي سرق الفكرة من دماغك ..و من الحكاوي ..و المشاعر غير الافكار ..
11 - 09 - 2017, 01:49 PM
العرض الشجري