|
 |
 |
 |
|
رقم المشاركة : ( 1 )
03 - 09 - 2017, 10:18 AM
|
|||||||||||
|
|||||||||||
 الحُب - - يعني إيه حب ؟ الحب ملوش مفهوم ثابت ، مفيش حد يقدر يعبر عن الحب بالكلام ، لأن الحب مبيتوصفش ، الحب إحساس أكتر من وصف .. ف محدش هيقدر يديه حقه فالتعريف مهما كتب .. الحب الحقيقي إنك تحب روح الشخص اللي قدامك * إحتضان الروح ل الروح * ، لما توصل لمرحلة إنك مش شايف فيه عيوب ، مهما عمل معاك متقدرش تكرهه أو تزعل منه ، بتفضل حابب روحه الثابته اللي إنتا حبتها و هتفضل تحبها ، لأن مهما دايرة المشاكل و التعقيدات وِسعت ، هتفضل شايفه زى أول مرة ، هتفضل عاوزه كويس و مبسوط ، هتفضل عايز تطمن عليه ، هتفضل تحاول تكون جمبه لأخر لحظة ف عمرك . إنك تحب روح الشخص اللي قدامك شئ عظيم جداً و نادراً لما بيحصل مع حد . - الحب : إنك تحب الشخص اللي قدامك من غير ما تستني مقابل ، من غير ما تطلب منه حتى يكون جمبك ، إننا نحترم كلمة ،، بحبك ،، و منقولهاش إلا لو إحنا قدها فعلاً ، لو شايفين إننا نستحق الشخص و إننا هنقدر نقولها غير كدا لا - الحب : إنك عندك إستعداد تضحي بسعادتك ف مقابل إن الشخص اللي قدامك يكون كويس و مبسوط وبس إنك ميعديش عليك ليل و لا يغمضلك جفن لو فكرت فالشخص اللي ساكن قلبك و حسيت نفسك مش مطمن عليه . الحب : إنك تتوجع ع وجع اللي بتحبه ، تضايق ع الحاجات اللي بتضايقك ، إنك تدوس ع أى حاجة و أى حد يفكر يجي عليه ، الحب مش إننا نيجي ع بعض خالص ، - الحب إنك لما تغلط ف حق اللي قدامك ، تعترف بغلطك ، متسامحش نفسك ، و تحط لنفسك عقاب ، حتى لو الشخص دا سامحك ، بيفضل الموقف سايب علامة ف روحك لأنك متخيلتش نفسك تغلط ف حق أكتر حد إنتا بتحبه .. - الحب : إنكوا تتغلبوا عالمشاكل و الظروف الصعبة سوا مهما كانت و مهما حصل تفضلوا مع بعض ، إنك تخلى اللى قدامك يقرب من ربه ، و تحاول معاه مرة و إتنين و عشرة و متزهقش ، إنتا بتحبه و عاوز تستناه فالجنة .. - الحب شئ عظيم و موجود بس زى ما هوا شئ عظيم جداً و طاقة إيجابية كبيرة ، وسبب ف نجاح و سعادة ناس كتير . - الحب مش شرط يكون إرتباط . - الحب إنك تبقي قوى الحب بيقوى مش بيضعف . - الحب مبيتحولش لكره ، لو كرهت يبقي محبتش . - الحب إنك تفضل محافظ عالشخص دا جوا قلبك و يفضل واخد مكانه مهما إختلفت الظروف. - الحب ممكن يتحول لكارثة لو مقدرناش بعض ، لو معرفناش نحب ، الحب زى ما هوا طاقة إيجابية لناس كتيرة ف هو ممكن يتسبب ف خنقة و إكتئاب و وجع و كره للحب من أصله ف عند البعض الحب مرض يؤدى إلى الانتحار . - الحب أجمل حاجة فالدنيا و الأجمل إن الواحد يتحب ، و ف نفس الوقت ممكن يتحول ف وجع و هلاك و وحدة و إنطواء صاحبه . - الشخص اللى معرفش يوصل ل حبه الحقيقي لأى سبب بيبقي مدمر نفسياً ، حتى لو كل الناس عاوزة تبقي جمبه ، هو حب الوحدة و كره إنه يتعلق ب حد مش عشان إنتو وحشين لا ، كل الحكاية إن قلبه بقا هٙش و مش حمل خبطة . - الحب إحتياج إهتمام ، بيتحول ل كسرة لما تقرر تعتمد ع وجود حد و يغيب لأى سبب . - الحب قوة ، طاقة إيجابية ، سعادة و فرحة ، الحب بردو إدمان ، ضعف ، تعب ، إكتئاب ، تعود .. 
|
|
العرض الشجري