عروسة ماريونت‬‎

[walaa farouk]

أنت مش صاحب القرار في حد تاني أعلى منك هو اللي بيحدد لك حياتك!

بقالي وقت بفكر في عرايس الماريونيت وبتخيل لو حياتي عمله زيهم، حد بيحركني وبيتحكم في كل تصرفاتي، على قد ما بحب عرايس الماريونيت جداً، على قد ما عمري ما هقبل أن حياتي تكون مقيدة زيهم، ومتصرفش بحُرية.

الجحيم والسما أنت اللي بتحدد تروح فين !

في ناس بتفكر وبتقول إزاي الله بيحبنا وفي نفس الوقت ممكن يدخلنا النار، ببساطة لأن الجنة ليها قوانين، الله هو اللي وضعها للي هيدخلها، القوانين دي معروفه وهي تبعيته، زي أي مكان بيتحط فيه قوانين لدخوله، لكن مينفعش الله يحركنا زي عرايس الماريونيت علشان نتبعه، لكن هو سايب لنا الإرادة الحرة اللي بيها بنختار تبعيته من عدمها، والله بيحبنا وهيفضل فاتح بابه لينا للنهاية، لو الله أجبرنا أننا نتبعه وقيِّد حريتن، السماء بالنسبة لينا هتبقى جحيم لأن ببساطة إحنا مخترناهاش، لكن من محبته لينا مقيدناش و مامنعش حريتنا أننا نختار نعيش معاه أو لأ، علشان كده الجحيم بنروحه بأختيارنا والسماء برضه بنروحها بأختيارنا. أنت اللي بتختار تروح فين!!