" دعت الصبي إيخابود، قائلة قد زال المجد من اسرائيل" - صموئيل الأول 4: 21
تفتكروا هي ليه سمتوا كده؟ يمكن علشان الظروف اللي مرت بيها إمرأة فينحاس، موت زوجها وحماها وفقدان تابوت العهد، قررت تسمي ابنها كده! فضلت أفكر في الولد ده اللي هيفضل طول عمره اسمه مرتبط بالحادثة الوحشة اللي حصلت، والسؤال اللي جه في دماغي" إيه اللي حصل خلى المجد يزول أصلاً"؟ اكتشفت كام نقطة مُهمين: أولهم عدم القداسة..النجاسة والخطية تُزيل المجد، الله إله قدوس بيحبك لكن مابيحبش الخطية، الحاجة التانية، يقول الكتاب " كانت كلمة الرب عزيزة في ذلك الوقت"، عزيزة يعني "نادرة، مش بيفتحوها" الكتاب المقفول بيجيب زوال للمجد، لما تبطل تقرا في الكتاب مش هيكون عندك أي علاقة بربنا، وتالت حاجة والأخيرة، لم بقدسوا الرب في أعين الشعب، مع انهم من الكهنة لكن طريقتهم وسلوكهم مكانش بيبيِّن كده، سلوكي لو مش كويس بيزيل المجد من حياتي!!
