الايمان هو الثقة بامور لا ترى

[walaa farouk]

أصعب وقت هو اللي بيبقى أنت عمال تصلي فيه ولسه مشوفتش حاجة بتتغير، مش عارف حاجة! مش حاسس حاجة! وكأنك واقف في صحرا والدنيا فاضية وأنت بتنادي بأعلى صوت ومحدش سامع! ساعتها بس بيجي دور الإيمان اللي بيخلينا قبل ما نشوف الإستجابة بعنينا وقبل ما نشوف تغيير في الأحداث بنبقى مصدقين إنه الله موجود وسامع الصلاه وإنه هيستجيب اللي فيه الخير لينا، حتى لو احنا مش شايفين دلوقتي، الإيمان هو الثقة بما يرجى والايقان بأمور لا ترى ، كام مرة كنت بتقول انه مستحيل الوضع اللي انت فيه يتغير وحصل العكس؟