حظى نفسك مكان ابنك

[walaa farouk]

أنبحي في صوتك وأدي تعليمات وأوامر وقولي نتصرف بأدب نتكلم بهدوء متتخنوقش مع بعض احنا رايحين فرح او معزومين عند عمو فلا يا ولاد 😅😅
1-الصوت يكون واطي. 2-عايز حاجة تقولي مامي بليز . 3- وشنا مفرود وبتضحكوا بلاش البوز والنكد المفاجيء بدون سبب دا. 4- أول ما ابرء تفهموا ان اللي بتعملوه غلط
متفقين ؟؟!! حاضر يا ماماااااااا 🙄🙄
انتي تخرجي بيهم من هنا وتلاقي حد سهاكي وحط فيشة المكنسة الكهربائية وأداكي علي أفاكي من هنا 😵🤓
جري في الشارع وصريخ وتنطيط في القاعة وضرب في بعض وشكلهم قلب علي ميكانيكي مبهدل هدومه تحت عربية ومهما قولتي ولد بنت برئتي لحد ما احولتي 😫
ولاااااااااااااااا الهوا !!!😓
الصور دي لاحفاد ملكة بريطانيا الملكة إليزبيث مع أولاد ابنها الامير ويليام مع امهم زوجة الأمير / الأميرة كيت ميدلتون 👇👇👇
شايفين الصور هووووس بسسسس وتبرء وهما ولا هما هنا والاخوات بيغيروا ويضربوا بعض وبيتريقوا عليها وهي بتقول هووووووس وتكشيرتهم تقفل اليوم 😃
تفتكروا بقي هي مقالتش علي تعليمات؟؟ طيب تفتكروا ان عيالهم المفروض يبقوا غير عيالنا يعني ويتولدوا بسستم الهدوء والرزانة 🤔

أكيد لا طبعا .. الأطفال هما هما نفس الأطفال عايزين يجروا ويلعبوا ويتحركوا في كل مكان ..ربنا خلقهم عندهم طاقة تقوم مولد كهربائي من غير ما يتعبوا ولا يحسوا بملل

والعمل ؟! يعني يكسفوني ادام الناس واسمع تعليقات سخيفة انتي عيالك مشافوش تربية
وما تلمي عيالك واسكت عادي 😓😓😓

👇👇👇👇👇👇ياريت تركزوا في الكلام دا 👇👇👇👇👇

1- الناس كلها عندها عيال ومحدش معندهوش مشاكل مع عياله ابدا .. ابنك شقي
ابنها بيكدب .. ابنك بيصرخ .. ابنها بيضرب .. فأقبلي اولادك زي ما هما من
غير نقد أو لوم .
2- بلاش تنتقدي اولاد غيرك عشان هما مش ينتقدوكي حتي لو في سرك ؟
3- خليكي واثقة في نفسك بلاش اما حد يقولك عيالك متربوش تعيطي ولا تقومي تضربي الاولاد وتجاملي الناس في عيالك عشان يقول اه خلاص بتعرف تربي لانك بتكسري ابنك ادام الناس وهيعند معاكي اكتر واحتمال كبير يضربك او يعمل كارثة عشان ياخد بحقه منك .
4- حطي نفسك مكان ابنك لو موجودة في مكان كلها مبهجات وواسع وفي اطفال تانية اكيد هتقوم تجري وتلعبي وتستكشفي كل دا فأعذري الاولاد حرام هما من حقهم يلعبوا
ولو دا حصل خديهم برا القاعة بهدوء يلعبوا في اي مكان واسع 10 دقايق وارجعوا تاني للفرح ولو في بيت معزومين فيه اطلبي من اهل البيت لو عندهم اطفال يحددوا مكان يلعبوا فيه عيالك وعيالهم عشان ميكسروش حاجة وكل فترة والتانية شوفوا بيعملوا ايه .
5- اخر حاجة لو فضلتي مقضية حياتك في بس وهوس وضغط عالي ونبح صوت هتضيعي احلي سنين في حياتك وحياتهم ولا هما هيستمتعوا بطفولتهم ولا انتي هتستمتعي بأمومتك ..قضيها معاهم واضحكي والعبي زي ما عملت الاميرة كيت ميدلتون وبقت تضحك وبتبص للكاميرا وتتصور وهما بيشاغبوا حواليها عادي <3

اه صحيح .. لو حد قالك يا مدام ما تلمي عيالك 😡 عيالي هما فين عيالي انا مش متجوزة أصلاً ..