|
 |
 |
 |
|
رقم المشاركة : ( 1 )
23 - 07 - 2017, 01:06 PM
|
|||||||||||
|
|||||||||||
|
دايما بنتكلم على الراجل إللى بيهمل بيته ومراته مش شرط يكون الراجل بس .. هو اللى بيعمل كدة .. ياما ستات كتير .. بيهملوا حياتهم وبيوتهم .. ومش لازم يكون الاهمال .. فى شكل علاقة تانية .. ممكن يبقى عدم احترام .. ممكن يبقى عدم تقدير .. ممكن يبقى تحقير قدام الناس .. ممكن يبقى كلام من ورا الضهر .. ممكن يبقى عدم احتواء للظروف .. ممكن يبقى معايرة فى الكلام .. ممكن يبقى معايرة بالنظرات .. ممكن يبقى سنين كتير من عدم التفاهم .. ممكن يبقى كلام جارح .. ممكن يبقى رسايل مستفزة .. ممكن يبقى توقعات برد فعل .. وييجى عكسها .. ممكن يبقى ممكن وممكن وممكن .. بس الاكيد .. ان مع كل معضلة من دول .. بتبقى فيه فرص للرجوع .. بس الشيطان بيعمى عينينا اننا نستغلها .. وكأننا كسبنا من سوء معاملتنا للى حوالينا .. فى اللى فات .. عشان كدة مكملين .. بيوت كتير .. اتفتحت قدامها فرص للرجوع .. فيه اللى استغلها وفرح .. وفيه اللى اتكبر عليها .. وفضل يعلق الاخطاء .. على اللى قدامه .. وياعالم الفرصة هتيجى تانى .. ولا خلاص كدة .. 
|
|
العرض الشجري