|
 |
 |
 |
|
رقم المشاركة : ( 1 )
23 - 07 - 2017, 06:36 AM
|
|||||||||||
|
|||||||||||
 وقعت ايدى على اغنية حططهالى جوزى بعد جوزنا بسنه والحقيقة هو بطل يحطلى اغانى عالفيس بس هو معنى كده انه مبقاش يحبنى ؟!! بعد الجواز بسنه كان بيحطلى اغانى بس مكناش متفاهمين كفاية كأى اتنين بيحبوا بعض واكتشفوا ان الحب بعد الجواز مش كفاية(التفاهم اهم ) النهاردة بعد اربع سنين جواز مبقاش بيحطلى اغانى بس فاهمنى اكتر عارف يبسطنى اكتر الحب بعد الجواز : - لما يدخل عليا بالفاكهة الى بحبها اول متنزل فى السوق - لما يقلى متعمليش غدا انا هجيب من بره شكلك تعبان - لما يلاقينى متدايقه فيقلى تلبسى ونخرج ؟ - لما يقول لأبنى تعالى نلعب وسيب ماما ترتاح شوية - لما اقله نتغدى ايه بكرة يقلى اسهل حاجة عليكى - لما يحس انى دخله فى مود اكتئاب فيخدنى اشترى لبس وبعد منرجع يبصلى ويقلى ها احسن ☺ - لما يسألنى مالك من اول بصه فى وشى - لما يدوق اكلى ويطلع وحش فيقلى هو وحش بس هكله وامرى لله - لما نبص لبعض وسط الناس واحنا فاهمين عاوزين نعلق على ايه - لما ميجبرنيش على اى مظهر اجتماعى كزوجين (زيارات ، افراح ) - لما يقلى عاوزين نجرب كذا ( عاوز يجربها معايا انا مش اى حد تانى ) - لما يتصل يقلى انا هتأخر متفضليش قاعدة من غير اكل ،كلى انتى - لما يلاقينى مريضة فيغطينى ويقوم جرى يعملى حاجة اشربها ويفضل جمبى ويخدنى للدكتور ويطمن عليا بالتليفون وهو ف الشغل ان مخدش اجازة - لما نتخانق من غير ميأذينى نفسيا او بدنيا مهما عملت او اتصرفت الحب بعد الجواز احيانا يخلو من الرومانسية المُطلقة ولكن يحل مكانه الاهتمام 
|
|
| قد تكون مهتم بالمواضيع التالية ايضاً |
| الموضوع |
| الحب هو بداية الرومانسية مدى الحياة |
| الرومانسية بعد الجواز |
| بمناسبة الفلانتين..5 أطعمة تشعل الرومانسية في عيد الحب |
| زمن لا يخلو من الحب |
| الحب لا يعتمد على الرومانسية فقط |
العرض الشجري