|
 |
 |
 |
|
رقم المشاركة : ( 1 )
22 - 07 - 2017, 07:16 AM
|
|||||||||||
|
|||||||||||
 واللي يطمّن في يسوع انه مابينساش زي الناس، مابينساش وعوده ليك (حتى لو أنت شخصياً نسيت) .. مابينساش دموعك وصراخك، اللي باين قدام الناس واللي جواك مش قادر تطلّعه .. مابينساش الذُل اللي استحملته سنين وأنت واثق أنه هاييجي في يوم ويغيّر الوضع.. مابينساش جوعك ووحدتك وصراعك كل يوم انك تقول لأ على حاجات كتير هاتريّحك بس هاتفصلك عنه .. مابينساش توهانك وأسئلتك والشكوك اللي مش سايباك واللي مشوشه رؤيتك ليه ومع ذلك لسا مكمّل معاه حتى لو مش شايفه زي زمان .. مابينساش .. وبيقدّر اوي غلاوته عندك .. وبيفرق معاه معافرتك لآخر نفس وقت التجربة ما تحمى .. مابينساش نظرتك للسماء وأنت جواك تعب معجّزك وكاسر روحك .. تعب مش قادر تترجمه لكلام فا بتقوله وسط البكاء "ارحمني .."! صدقني مابينساش .. ومابيغفلش عنك .. ومركّز أوي في تفاصيل حياتك وعارف الضغوط اللي بتعدّي فيها وشايل همّها .. والأهم .. مابينساش ثقتك فيه وتمسُّكك بيه وقت كسرتك وانهيارك.. وبيعوّض أضعاف وأضعاف اللي بتحلم بيه .. بيعوّض "أكثر جداً مما تطلب أو تفتكر".. يمكن مش في تغيير الواقع، لكن بوجوده معاك فيه.. وصدقني دي اغلى مليون مرة من اي تعويض تاني! ولحد ما يعوّض .. لحد ما يشفي ويرجّعلك النور من تاني .. أرجوك يا صديقي .. تشدّد! 
|
|
| قد تكون مهتم بالمواضيع التالية ايضاً |
| الموضوع |
| يسوع مبينساش طلبه اتقالت لو لثواني |
| ربنا مبينساش |
| يسوع مبينساش الذكريات |
| مبينساش |
| مارجرجس مبينساش حقة........ |
العرض الشجري