بولا والسيلفى المخصوص مع بابا المحبة (البابا تاوضروس الثانى )

[walaa farouk]

لما الابن يلاقى مساحة فى الكلام مع ابوه ..

سيدنا .. ممكن اتصور سيلفى مع قداستك ..

آه طبعاً يا بولا ..
(وكلنا قلنا ازاى .. بولا من غير ايدين)

ويطلب كرسى ..
يتحط جنب كرسى سيدنا ..
وبنفسه وبدون مساعدة ..
يخلع الحذاء والشراب ..
ويمسك الموبايل من على الارض ..
ويفتحه بشفايفه ..

ونظرة الحنية فى عينين سيدنا ..
وكأنه فرحان بإبنه ..
والتحدى اللى فى كل حركة بيعملها ..

عشان يلقط سيلفى مخصوص ..

ماقالوش ياللا بسرعة ..
ولا قال له اختصر الوقت ..
بالعكس فضل باصص عليه ..
لحد ما اتصور براحته ..

البابا ادى لكل الحاضرين ..
دروس كتير ..

بس درس المحبة ..
كان هو العامل المشترك ..
فى كل الدروس ..