21 - 07 - 2017, 01:40 AM
|
|
|
|
..::| الإدارة العامة |::..
|
|
|
|
|
|
بعد غيبه لقيتني جيتلك .. وبدموع صليت يارب
_ حضني مفتوحلك وسامعك .. ليك ف قلبي كل حب
يعني لسه غالي عندك ؟!
_ ايوه لسه ما انت ابني وانت عارف اني أب
طب بقولك ايه يا ابويا .. الحياه ضاقت عليا
_ بس بكره هيبقي احسن .. ده انت منقوش فوق ايديا
نفسي قلبي يلاقي فرحه ..
_ فرحتك يا حبيبي جايه
جايه امتي وايه ميعادها ده الأمل والصبر غابوا
_ كل حاجه وليها وقت وكل شئ معمول حسابه
ألف باب مقفول ف وشي ..
_ بس ربك استحاله انه يقفل لحظه بابه
طب ف جرحي هتعمل ايه ؟!
_ هبقي ليك اعظم طبيب
وف مشاكلي هيحصل ايه ؟!
_ هبقي ليك أب وحبيب
وف ضيقاتي هيجري ايه ؟!
_ انت صلي .. وهستجيب
مش هتبعد عني يعني ؟!
_ عمري عنك يوم ما اغيب
قلبي واثق فيك وعارف ان أخرة صبري خير
_ بكره تتأكد بنفسك .. عندي ليك افراح كتير
عايز اعرف فين وامتي .. امتي توفي ب كل وعد
_ لست تعلم ما سأصنع بل ستفهم فيما بعد 💝 !
|
