|
 |
 |
 |
|
رقم المشاركة : ( 1 )
06 - 07 - 2017, 07:27 AM
|
|||||||||||
|
|||||||||||
|
ربنا بتاع اللحظات الأخيره .. بتاع الوقت بدل الضايع .. لما الدنيا تضلم ع الاخر هيبعتلك شمس وفجر جديد .. ولما الغيوم تكتف السما هيفرح أيامك ب مطر افراح .. حتي لو بقالك سنين تعبان زي المفلوج هيجيلك علشان يشفيك .. لو متشال ع الكتاف وميت ف تابوت زي ابن أرملة نايين هيرد فيك الروح .. لو مدفون بقالك ايام جوه قبرك هيقومك م الموت ويبدل موتك بحياه .. لما الرياح تهز سفينتك و الخوف يقرب منك هيأمر الريح تسكت ويهدي العواصف بكلمه .. لما تخسر كل حاجه وتصعب ع الناس وعلي نفسك زي ايوب .. هيعوضك أضعاف ويجبر بخاطرك .. لما تعيشي عمرك كله عاقر وتشبعي م الناس تريقه .. زي ساره و اليصابات .. هيفرح قلبك ويرفع راسك حتي لو شعرك شاب .. لو فضلت طول الليل سهران ومش عارف تصطاد .. وأملك راح وظنك خاب .. هيجيلك ماشي ع الميه .. ف الهزيع الرابع .. جايب معاه بركه وخير .. وعنده لمشكلتك حل استعد واستني مفاجأة ربنا ف حياتك .. الفرحه جايه جايه ! "مينا مجدي" 
|
|
العرض الشجري